Print

Neurofibromatosis (နျူရိုဖိုက်ဘရိုမက်တိုးစစ်)

  16-Aug-2018
Preview Image

နျူရိုဖိုက်ဘရိုမက်တိုးစစ် ရောဂါဆိုသည်မှာအာရုံကြောအဖွဲ့အစည်း( ဦးနှောက်၊ အာရုံကြောမကြီး၊ နာဗ်ဆဲလ်များ) မည်သည့်နေရာတွင်မဆို ဖြစ်ပွားသည့်အကျိတ်ဖြစ်သည်။များသောအားဖြင့် ကင်ဆာမဖြစ်တတ်။ ဆိုးဆိုးရွားရွားလက္ခဏာများလည်းမပေါ်တတ်ပါ။

လက္ခဏာများ

အမျိုးအစား သုံးမျိုးပေါ်မူတည်၍ လက္ခဏာကွာခြားသည်။

အမျိုးအစား ၁ 

-အရေပြားပေါ်တွင်အညိုဖျော့ကွက်ပေါ်ခြင်း

- ချိုင်းကြားနှင့် ပေါင်ခြံတို့တွင် တင်းတိတ်ကဲ့သို့ အစက်အပြောက်များပေါ်ခြင်း

-မျက်ဝန်းအိမ် နှင့် အရေပြားအောက်တို့တွင် အဖုသေးလေးများပေါ်ခြင်း

-အရိုးပုံစံပြောင်းလဲခြင်း

-အမြင်အာရုံကြောတွင် အကျိတ်ဖြစ်ပေါ်နိုင်ခြင်း

-ဦးခေါင်းအရွယ်အစားပုံမှန်ထက်ကြီးခြင်း]

-အရပ်ပုခြင်း 


အမျိုးအစား ၂

အမျိုးအစား ၁ လောက်အဖြစ်မများပါ။ အကြားအာရုံတွင် အကျိတ်ဖြစ်ပေါ်သည့်အတွက်

- အကြားအာရုံ တဖြည်းဖြည်းပျောက်သွားခြင်း

- နားအူခြင်း

- မိမိကိုယ့်ကိုမထိန်းနိုင်ခြင်း တနည်း တယိမ်းတယိုင်ဖြစ်ခြင်း

- ခေါင်းကိုက်ခြင်း

နားအတွင်းရှိအာရုံကြောတွင်သာမက ခန္ဓာကိုယ်အတွင်းရှိ အခြားအာရုံကြောမကြီးများတွင်ဖြစ်လျှင်

- ခြေလက်ထုံကျင်ခြင်း၊ အားမရှိသလိုခံစားရခြင်း

- နာကျင်ခြင်း

- Facial drop

- အမြင်အာရုံထိခိုက်ခြင်း 


ဖြစ်ပွားရသော အကြောင်းရင်းများ

မျိုးရိုးဗီဇပြောင်းလဲခြင်း ကြောင့်ဖြစ်ပွားသည်။

ဖြစ်နိုင်ချေများသူများ

မိဘမျိုးရိုးရှိပါက ပို၍ဖြစ်ပွားနိုင်သည်။

နောက်ဆက်တွဲ ပြဿနာများ

အမျိုးအစား ၁ တွင်

- ဦးနှောက်နှင့် အာရုံကြောပြဿနာများ

- အရေပြားပေါ်တွင် အစက်အကွက်များပေါ်သည့်အတွက် သွင်ပြင်လက္ခဏာကြည့်မကောင်းခြင်း

- အရိုးအဆစ်မကောင်းခြင်း။ဥပမာ- ကျောရိုးဆစ်စောင်းသွားခြင်း

- အမြင်အာရုံချို့တဲ့ခြင်း

- ဟော်မုန်းပြောင်းလဲချိန်။အထူးသဖြင့် အပျိုဖော်လူပျိုဖော်ဝင်ချိန်၊ ကိုယ်ဝန်ဆောင်ချိန် နှင့် သွေးဆုံးချိန်တို့တွင် ကျန်းမာရေး ပြဿနာများပေါ်နိုင်ခြင်း

- နှလုံးနှင့် အဆုတ်တို့တွင် မူမမှန်ပြဿနာများဖြစ်ခြင်း

- ကင်ဆာဖြစ်ခြင်း

- အထရီနယ် ဂလင်းတွင် အကျိတ်ဖြစ်ခြင်း ( Pheochromocytoma)

အမျိုးအစား ၂ တွင်

- အကြားအာရုံထိခိုက်ခြင်း

- Facial nerve damage

- မမြင်အာရုံထိခိုက်ခြင်း

- အရေပြားအကျိတ်ပေါ်ခြင်း

- ခြေလက်အားနည်းခြင်း

ဆရာဝန်နှင့် သွားရောက်ပြသသင့်သော အချက်များ

အထက်ပါလက္ခဏာများပေါ်ပေါက်ပါက ဆရာဝန်နှင့် သွားရောက်တိုင်ပင်သင့်သည်။ 

စစ်ဆေးမှုများ

မိဘမျိုးရိုးရှိမရှိ မေးမြန်းခြင်း

-မျက်လုံးစစ်ဆေးခြင်း

-နားစစ်ဆေးခြင်း

- ပုံရိပ်ဖမ်းခြင်း ( X-ray, ကွန်ပျူတာဓာတ်မှန်ရိုက်ခြင်း ၊ သံလိုက်ဓာတ်မှန်ရိုက်ခြင်း )

- မျိုးရိုးဗီဇစစ်ဆေးခြင်း

ကုသခြင်း

မျိုးရိုးဗီဇကြောင့်ဖြစ်ပွားသည့်အတွက် မမြစ်ပျက်အောင်မကုသနိုင်သော်လည်း ခံစားနေရသော ရောဂါများနှင့်လက္ခဏာများကို ကုသနိုင်သည်။

အကျိတ်များအတွက် ခွဲစိတ်ကုသခြင်း

နာကျင်ပါက အနာသက်သာစေသောဆေးများပေးခြင်းတို့ လိုအပ်သလိုကုသနိုင်ပါသည်။

Dr.hp

Ref; Mayo clinic




Related Articles


Advertisment 18

Advertisment 18

Advertisment 18

Advertisment 18

Advertisment 18