အရုပ်များနဲ့ ကလေးရဲ့ကျန်းမားရေး

ကလေးတွေဟာ စားစရာမဟုတ်တဲ့ ပစ္စည်းတွေကို ပါးစပ်ထဲထည့်တဲ့ အကျင့်ရှိတက်ပြီး တစ်ခါတစ်ရံ မျိုချတဲ့အထိပါ ပြုလုပ် တက်ကြပါတယ်။ သတ္တုနဲ့ပြုလုပ်ထားတဲ့ အရုပ်တွေ၊ စျေးပေါတဲ့ ရတနာပစ္စည်းအတုတွေမှာ ခဲ၊ ကက်ဒမီယမ်ဒြပ်စင်(Cadmium) တွေလို မျိုး အဆိပ်အတောက်ဖြစ်စေတဲ့ အရာတွေ ပါ၀င်လေ့ရှိပါတယ်။ဒီလိုအရာတွေက ကလေးငယ်ရဲ့ကျန်းမာရေးကို အန္တရာယ်ဖြစ်စေနိုင်ပါ သလားဆိုတဲ့ မေးခွန်းပေါ်လာပြီး ပညာရှင်တွေ အဖြေရှာခဲ့ကြပါတယ်။လေ့လာမှုတွေအရ စျေးကွက်ထဲမှာသုံးစွဲသူအာမခံချက်မရှိဘဲ စျေး ပေါပေါနဲ့ ၀ယ်ယူရရှိနိုင်တဲ့ သတ္တုအရုပ်တွေနဲ့ လက်ဝတ်ရတနာ ပစ္စည်းအတုတွေဟာ ကလေးငယ်တွေရဲ့ ကျန်းမာရေးကို ထိခိုက်စေနိုင် တယ်ဆိုတဲ့ အဖြေရရှိခဲ့ပါတယ်လို့ ScienceDaily သုတေသနဂျာနယ်မှာ ဖော်ပြလာပါတယ်။အထက်ပါ သတ္တုနှစ်မျိုးလုံးဟာ ဓာတ်သတ္တိကြပြီး အဆိပ်သင့်စေနိုင်ပါတယ်။ စျေးကွက်အတွင်းက အချို့သောအရုပ်တွေမှာ ကြေးနီ၊နီကယ်၊ အာဆင်းနစ်နဲ့ ခနောက်စိမ်းတွေပါ ပါ၀င်နေတာကို တွေ့ရှိခဲ့ရပြီး ဒါက ကြီးမားတဲ့ပြဿနာ ဖြစ်လာပါတယ်လို့ သုတေသန ပြုမှုမှာပါ၀င်ခဲ့တဲ့ ပညာရှင်တစ်ဦးက ဆိုခဲ့ပါတယ်။ စမ်းသပ်မှုတွေအရ ဒီသတ္တုတွေဟာ အစာချေလမ်းကြောင်းတစ်လျှောက် လှုပ်ရှားနိုင်ပြီး အချို့အစိတ်အပိုင်းတွေကို အဆိပ်သင့်စေတာကို တွေ့ရှိခဲ့ပါတယ်။သုတေသီတွေက ခဲ၊ နီကယ်သတ္တုတွေကို ကလေးတွေ ထိတွေ့ကိုင်တွယ်တဲ့အခါမှာ အန္တရာယ်မရှိဘဲ ထိတွေ့ကိုင်တွယ်လို့ရ မယ့် စံသတ်မှတ်ထားလို့ရမယ့် ပါ၀င်မှုအဆင့်ကိုလည်း ရှာဖွေနေခဲ့တယ်လို့ သိရပါတယ်။ ခဲနဲ့နီကယ်သတ္တု ဓာတ်သတ္တိကြွမှု အနည်းအများပေါ် မူတည်ပြီး ကလေးငယ်တွေမှာ ဗိုက်နာခြင်း၊ မူးဝေအော့အန်ခြင်း၊ ၀မ်းပျက်ဝမ်းလျှောဖြစ်ခြင်းနဲ့ နာတာရှည်ရောဂါ အမျိုးမျိုး ဖြစ်ပေါ်စေနိုင်တာကို အချက်အလက်တွေကတစ်ဆင့် တွေ့ရှိခဲ့ရတယ်လို့ ဆိုပါတယ်။ ခဲနဲ့နီကယ် ဆိပ်သင့်မှုကြောင့် ခံစားရတဲ့ နာတာရှည်ရောဂါက ကလေးငယ်တွေမှာ ပြန်မကောင်းနိုင်တော့တဲ့ မှတ်ဉာဏ်ချို့ယွင်းမှုတွေကိုပါ ဖြစ်ပေါ်စေနိုင်တယ်လို့ သုတေသီ တွေက သတိပေးပြောကြားထားပါတယ်။

Healthcare.com.mm

Ref: People