Generalized Anxiety Disorder(အစိုးရိမ်လွန်ရောဂါ)

အကျဉ်းရှင်းလင်းချက်

စိတ်ဖိစီးမှုများလာတဲ့ အခါ စိတ်လှုပ်ရှားမှု၊ စိုးရိမ်ပူပန်မှုများဖြစ်ပေါ်လာခြင်းသည် ပုံမှန် တွင်လည်း ဖြစ်တတ်ပါသည်။ သို့ပေမယ့် ထိုစိုးရိမ်ပူပန်မှုများသည် အလွန်အကျွံ့ဖြစ်လာသည့်အခါ တစ်နေ့တာလုပ်ဆောင်မှုများကို အနှောင့်အယှက်ပေးသည့်အခါ အစိုးရိမ်လွန်ရောဂါ ဖြစ်ပေါ်လာတတ်ပါသည်။

လက္ခဏာများ

- ပင်ပန်းနွမ်းနယ်ခြင်း

- စိတ်အလ်ိုမကျဖြစ်ခြင်း

- ကြွက်သားများ နာကျင်ခြင်း

- ညအိပ်မပျော်ခြင်း

- ချွေးထွက်များခြင်း

- ပျို့အန်ခြင်း

- ဝမ်းလျှောခြင်း

- ခေါင်းကိုက်ခြင်း

- အကြောင်းအရင်းမရှိပဲ စိုးရိမ်နေခြင်း

- အစိုးရိမ်လွန်ခြင်းကြောင့် အလုပ်ခွင်များ၊ပေါင်းသင်းဆက်ဆံရေးများတွင်လည်း စိတ်ဖိစီးမှုများဖြစ်ပေါ်ခြင်း 

ဖြစ်ပွားရသော အကြောင်းရင်းများ

မျိုးရိုးလိုက်ခြင်းနှင့် အခြားပြင်ပ အကြောင်းအရာများကြောင့် အဖြစ်များသော်လည်း မည့်သည့်အကြောင်းအရာကြောင့် ဖြစ်သည်ဟု တိတိကျကျ မရှိသေးပါ။

ဖြစ်နိုင်ချေများသူများ

- ပင်ကိုယ်စရိုက်တွင် စိတ်တိုလွယ်သူများ ၊ အဆိုးမြင်တတ်သူများ

- မျိုးရိုးလိုက်တတ်ခြင်း

- အမျိုးသမီးများသည် အမျိုးသားများထက် ပို၍အဖြစ်များတတ်သည်။

နောက်ဆက်တွဲ ပြဿနာများ

- စိတ်ဓာတ်ကျခြင်း

- မူးယစ်ဆေးများသုံးစွဲခြင်း

- ညအိပ်မပျော်ခြင်း

- ခေါင်းကိုက်ခြင်း

- အစာချေစနစ်နှင့် အူလမ်းကြောင်းများတိင် ကမောက်ကမဖြစ်ခြင်း

- နှလုံးနှင့်ဆိုင်သော ပြဿနာများဖြစ်ပေါ်တတ်ခြင်း

ဆရာဝန်နှင့် သွားရောက်ပြသသင့်သော အချက်များ

- အလွန်အမင်း အစိုးရိမ်လွန်ခြင်း ၊ စိတ်ဓာတ်ကျခြင်းများရှိလျှင် ဆရာဝန်နှင့် ဆွေးနွေးတိုင်ပင်သင့်ပါသည်။

စစ်ဆေးမှုများ

- လူနာ၏ ရာဇဝင်မေးမြန်းခြင်း

- စမ်းသပ်စစ်ဆေးမှုများပြုလုပ်ခြင်း

- အခြားရောဂါများနှင့်တွဲတတ်သောကြောင့် သွေးစစ်ဆေးမှု ၊ ဆီးစစ်ဆေးမှုများ ပြုလုပ်ခြင်း

ကုသခြင်း

- ဆွေးနွေးတိုင်ပင် ကုသခြင်း

- ဆေးဖြင့်ကုသခြင်း 

ကာကွယ်ခြင်း

- အခြေအနေကို စောစောသတိပြုမိခြင်းဖြင့် ကုသမှု ခံယူခြင်း

- အချိန်နှင့် မိမိ၏စွမ်းအားကို အကျိုးရှိစွာအသုံးချခြင်း

- ကျန်းမာရေးကို ထိခိုက်စေသော အစားအစာများ စားသောက်ခြင်း ၊ ဆေးများသုံးစွဲခြင်းကို ရှောင်ကျဉ်ခြင်း

အခြားသိသင့်သော အချက်များ (ရှိလျှင်)

- လန်းဆန်းတက်ကြွစွာ နေခြင်း

- အရက်သေစာနှင့် မူးယစ်ဆေးဝါးသုံးစွဲမှု၊ ဆေးလိပ်သောက်ခြင်းကို ရှောင်ကျဉ်ခြင်း

- ကော်ဖီသောက်ခြင်းကို ရပ်လိုက်ခြင်း

- တရားထိုင်ခြင်း၊ ယောဂကျင့်ခြင်းဖြင့် စိတ်အေးချမ်းအောင်ပြုလုပ်ခြင်း

- အိပ်ရေးဝအောင် အိပ်ခြင်း

- အစာအာဟာရ မျှတအောင်စားခြင်း

Ref: Mayo Clinic

By Dr May Hnin Phyu (7887 healthcare Call Center)