Frozen Shoulder (ပခုံးကြွက်သားတောင့်တင်းနာကျင်ခြင်း)

လက်မောင်းကွင်းရိုး ပတ်လည်တွင် အုပ်ပေးထားသည့် အကာ Capsule ယောင်ယမ်းလာသည့်အတွက် နာကျင်ခြင်း၊ တောင့်ခြင်း၊ လက်မောင်း၏လှုပ်ရှားမှုများ မလုပ်နိုင်ခြင်း ဖြစ်ပေါ်ခံစားရသည့် ရောဂါဖြစ်သည်။ရောဂါဖြစ်ပွားခြင်းတွင် အဆင့် ၃ဆင့်ရှိသည်။

Freezing - ထိုအဆင့်တွင် ပို၍ပို၍ နာကျင်လာပြီး လက်မောင်း၏လှုပ်ရှားမှု ခက်ခဲလာနိုင်ပါသည်၊ ၆ပတ်မှ ၉လအထိ ခံစားရနိုင်ပါသည်။

Frozen  - ထိုအဆင့်တွင် နာကျင်မှုများသက်သာသွားသော်လည်း တောင့်တင်းပြီးမလှုပ်နိုင်ခြင်းများကျန်နေသေးသည်၊ ၄လမှ ၆လအထိကြာနိုင်သည်။

Thawing - ထိုအဆင့်တွင် နာကျင်တောင့်တင်းခြင်းများသက်သာသွားပြီး လှုပ်ရှားမှုများလည်း ပုံမှန်ပြန်ဖြစ်သွားသည့် ကာလဖြစ်သည်၊ ပြန်လည်ကောင်းမွန်ရန် ၆လမှ ၂နှစ် အထိကြာနိုင်ပါသည်။

လက္ခဏာများ

လက်မောင်းထိပ်နှင့် လက်ဖျံနေရာတို့တွင် တောင့်တင်းနာကျင်ခြင်းသည် အဓိကခံစားရသော လက္ခဏာဖြစ်သည်။ နေ့စဉ်ပြုလုပ်နေကျ နိစ္စဓူဝအလုပ်များဖြစ်သည့် ရေချိုးခြင်း၊ အဝတ်ဝတ်ခြင်း၊ ကားမောင်းခြင်း၊ အိပ်ခြင်းစသည့် ပြုလုပ်ခြင်းများကိုပါ ထိခိုက်နိုင်ပါသည်။

ဖြစ်ပွားရသော အကြောင်းရင်းများ

- ဆီးချိုရောဂါ၊ လေဖြတ်ရောဂါရှိသူများ၊

- ခွဲစိတ်မှုပြုလုပ်ပြီး (သို့) နာကျင်မှုတစ်ခုခုကြောင့် ကြာရှည်စွာ မလှုပ်ရှားဘဲ နေသူများ၊

- များသောအားဖြင့် အသက် ၄ဝ မှ ၇ဝ ကြားတွင် ဖြစ်ပေါ်တတ်သည်၊ အသက် ၄ဝအောက် လူများတွင် အဖြစ်နည်းသည်။

စစ်ဆေးမှုများ

ဆရာဝန်၏ စမ်းသပ်မှုတွင် လက်မောင်းအကွေးအဆန့် လှုပ်ရှားရာတွင် နာခြင်း၊ တောင့်ခြင်း၊ ကောင်းမွန်စွာ မလှုပ်ရှားနိုင်ခြင်းတို့ ရှိနိုင်သည်။

- ဓာတ်မှန် ရိုက်ခြင်း (X-ray)

- သံလိုက်ဓာတ်မှန် ရိုက်ခြင်း (MRI)

- တယ်လီဗေးရှင်း ဓာတ်မှန်ရိုက်ခြင်း (USG Scan)

ကုသခြင်း

- ရှေးဦးစွာ အနာသက်သာနိုင်မည့် NSAID အကိုက်အခဲပျောက်ဆေးဝါးများဖြင့် ကုသခြင်း၊

- မသက်သာပါက Corticosteroids ဆေးများအရိုးထဲအတွင်းသို့ ထိုး၍ကုသခြင်း၊

- အပူအိတ်ကပ်ခြင်း၊ အပူအိတ်ကပ်ပြီးလျှင် ညင်သာစွာ လက်ဆန့်တန်းကြည့်ခြင်း၊

- သက်သာစေမည့်လေ့ကျင့်ခန်းများပြုလုပ်ခြင်း၊

သက်သာပျောက်ကင်းရန်သည် နှစ်နှင့်ချီ၍ ကြာမြင့်နိုင်ပါသည်။

 အထက်ကုထုံးများဖြင့် ကုသနေလျှက် ၆လကြာသည်အထိ မသက်သာပါက သို့မဟုတ် ရောဂါလက္ခဏာများပိုဆိုးလာပါက ခွဲစိတ်နည်းဖြင့်ကုသခြင်းများ ပြုလုပ်နိုင်ပါသည်။

ခွဲစိတ်နည်းများ

- Manipulation under anaesthesia မေ့ဆေးပေးပြီး တောင့်နေသည့် အရိုးကွင်း တနည်း အကာ Capsule ကိုဆန့်ထုတ်ခြင်း

- Shoulder arthroscopy အရိုုးတွင်းသို့ မှန်ပြောင်းထည့်ကြည့်ပြီး မာခဲနေသည့် အရွတ်များကိုဖယ်ထုတ်ခြင်း

ပြန်လည်ကောင်းမွန်ရန်

အပြီးတိုင် သက်သာပျောက်ကင်းရန်မှာ ခွဲစိတ်ပြီးနောက်ပိုင်းတွင် လေ့ကျင့်ခန်း Physiotherapy ပုံမှန်ဆက်လုပ်ရန် အရေးကြီးသည်။ ၆ပတ်မှ ၃လအထိ ကြာမြင့်နိုင်ပါသည်။ အများစုတွင် နောက်တစ်ခေါက်ပြန်၍ ရောဂါလက္ခဏာများ မဖြစ်ပေါ်တတ်ပါ။

Ref: WebMD

      NHS choices

      Ortho info

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။