ဦးနှောက်ကလေး ကျန်းမာနေစေဖို့ အစားအစာ

 တစ်ချိန်လုံးအလုပ်လုပ်နေရတဲ့ သင်တို့ရဲ့ဦးနှောက်ကို ကျန်းမာသန်စွမ်းစေဖို့ အာဟာရကောင်းကောင်းနဲ့ ပြုစုဖို့ အစပြုလိုက်ကြရအောင်။ 

၁။ ဘလူးဘယ်ရီသီးလေးတွေ

 ဘလူးဘယ်ရီသီးလေးတွေမှာ ပါဝင်တဲ့ အစွမ်းသတ္တိတွေက သိပ်ကို အလုပ်များလှတဲ့ သင့်ရဲ့ဦးနှောက်ကို ပိုမိုကျန်းမာလာစေတဲ့အပြင် Alzheimer ရောဂါ၊ Dementia ရောဂါ၊ မှတ်ဉာဏ်လျော့ပါးလာခြင်း၊ ဦးနှောက်ဆဲလ်များ ပိုမိုကောင်းမွန်တိုးတက်လာစေခြင်း၊ စိတ်ပိုင်းဆိုင်ရာဝေဒနာတွေကို လျော့ပါးစေခြင်းစတဲ့ အကျိုးကျေးဇူးတွေကို ရရှိစေနိုင်ပါတယ်။ တစ်ပတ်တစ်ခါလောက် ဘလူးဘယ်ရီးသီးလေးတွေနဲ့ ပန်းသီးကို ရောဖျော်သောက်ရင် သတိမေ့တတ်တာကို လျော့ပါးလာစေတာတွေ့ရပါလိမ့်မယ်။ 

၂။ ဆယ်လ်မွန်ငါး

 ဆယ်လ်မွန်ငါးလိုမျိုး ပင်လယ်နက်ထဲက ငါးမျိုးတွေက Omega 3 Fatty Acid ကြွယ်ဝတာကြောင့် ဦးနှောက်ဉာဏ်ရည် ဖွံ့ဖြိုးမှုကို အများကြီး အထောက်အကူ ဖြစ်စေပါတယ်။ ဒီလို Omega 3 Fatty Acid ကြွယ်ဝတဲ့ ငါးမျိုးကို တစ်ပတ်ကို သုံးကြိမ်၊ တစ်ခါစားရင် လေးအောင်စလောက် စားပေးသင့်ပါတယ်။ 

၃။  အစေ့အဆန်နဲ့ အခွံမာသီးတွေ

 ဗီတာမင်အီးကြွယ်ဝတဲ့ အစေ့အဆန်နဲ့ အခွံမာသီးတွေဟာ တစ်နေ့ကို တစ်အောင်စလောက် ပုံမှန်စားပေးသင့်ပြီး အဲဒီလို စားပေးခြင်းရဲ့ အကျိုးကျေးဇူးတွေကြောင့် သင့်ရဲ့ ဦးနှောက်မှတ်နိုင်စွမ်းကို အမြင့်ဆုံး Level အထိ တိုးမြင့်စေနိုင်ပါတယ်။ ဗီတာမင်အီး ကြွယ်ဝတဲ့အစားအစာတွေကို ဥပမာပေးရရင် Brazil Nut ၊ အယ်လ်မွန်စေ့၊ သီဟိုဋ္ဌ်စေ့၊ မြေပဲ စတာတွေဖြစ်ပြီး သင့်ဦးနှောက်လေးကို ဂုဏ်ပြုတဲ့အနေနဲ့ တစ်နေ့ကို တစ်အောင်စလောက်တော့ စားပေးလိုက်နော်။

၄။ ထောပတ်သီး

 ထောပတ်သီးကလည်း ဦးနှောက်ဖွံ့ဖြိုးမှုကို အားဖြည့်ပေးတဲ့အသီးတစ်မျိုးဖြစ်ပါတယ်။ ထောပတ်သီးက ဦးနှောက်သွေးလှည့်ပတ်မှုကို ကောင်းစေပြီး သွေးတိုးကျစေနိုင်တာ သွေးတိုးခြင်းဖြစ်ပေါ်စေတဲ့ အကြောင်းအချက်တွေကိုလည်း လျော့ကျစေနိုင်ပါတယ်။ ထောပတ်သီးက ကယ်လိုရီမြင့်မားတဲ့ အသီးတစ်မျိုးဖြစ်ပေမဲ့လည်း တစ်နေ့ကို ထောပတ်သီးတစ်လုံးရဲ့ တစ်ဝက် ဒါမှမဟုတ် လေးပုံတစ်ပုံစာလောက် ပုံမှန်စားသုံးပေးခြင်းဟာ ဦးနှောက်သွေးလည်ပတ်မှုကို ပိုမိုကောင်းမွန်လာစေပြီး မှတ်ဉာဏ်ကောင်းမွန်လာစေပါတယ်။ 

၅။ ဂျုံကြမ်းနဲ့လုပ်ထားတဲ့ အစားအစာတွေ

 ဂျံုကြမ်းနဲ့လုပ်ထားတဲ့ ပေါင်မုန့်လို အစားအစာမျိုးကို နေ့စဉ်စားသုံးပေးခြင်းကလည်း ဦးနှောက်ကျန်းမာရေးအတွက် အထူးကောင်းမွန်တဲ့ အာဟာရဓာတ်တစ်ခု ဖြစ်ပါတယ်။ နောက်ပြီး ကွေကာအုပ်လိုမျိုးကို လက်ဖက်ရည်ပန်းကန်လုံး တစ်ဝက်၊ ပေါင်မုန့်တစ်ချပ်ကို တစ်နေ့နှစ်ကြိမ် - သုံးကြိမ်လောက် ပုံမှန်စားပေးပါ။ 

၆။ ပဲအမျိုးမျိုး

 ပဲအမျိုးမျိုးကတော့ Glucose ဓာတ်မလွန်ကဲအောင် ထိန်းညှိပေးနိုင်စွမ်းရှိပြီး သွေးတွင်းအချိုဓာတ်လွန်ကဲမှုကြောင့် ဖြစ်ပေါ်လာတဲ့ နောက်ဆက်တွဲ ဝေဒနာတွေကို လျော့ပါးစေနိုင်သလို ဦးနှောက်ကို ကျန်းမာသန်စွမ်းစေနိုင်ပါတယ်။ အထူးသဖြင့် ပဲနီလေးနဲ့ ပဲနောက်လို ပဲမျိုးတွေကို တစ်နေ့ကို လက်ဖက်ရည်ပန်းကန်လုံး လေးတစ်ပုံစာနဲ့ လက်ဖက်ရည် ပန်းကန်လုံး တစ်ဝက်စာလောက် စားပေးသင့်ပါတယ်။ 

၇။ တလည်းသီးဖျော်ရည်

 တလည်းသီးမှာပါဝင်တဲ့ အစေ့အဆန်လေးတွေကနေ တစ်ဆင့် ဦးနှောက်အတွက် အကောင်းဆုံးအာဟာရ ဓာတ်တွေကို ရရှိစေနိုင်တာကြောင့် တလည်းသီးကို ကြိတ်ပြီး ဖျော်ထားတဲ့ ဖျော်ရည်မျိုးကို သောက်သင့်ပါတယ်။ တကယ်လို့ တလည်းသီးဖျော်ရည် ဖျော်မသောက်ဖြစ်ရင်တောင် တလည်းသီး တစ်နေ့ကို နှစ်အောင်စလောက် ပုံမှန်စားပေးသင့်ပါတယ်။ ဒါက ဦးနှောက်ထဲက Free Radical တွေကြောင့် သက်သာစေဖို့ နည်းလမ်းတစ်ခုလည်း ဖြစ်ပါတယ်။ 

၈။ လက်ဖက်ရည်ကြမ်း

 တစ်နေ့ကို လက်ဖက်ရည်ကြမ်း နှစ်ခွက် ဒါမှမဟုတ် သုံးခွက်လောက်တော့ ပုံမှန်သောက်သုံးသင့်ပါတယ်တဲ့။ ဒါက ဦးနှောက်ကို လန်းဆန်းတက်ကြွစေနိုင်သလို ဦးနှောက်သွေးလည်ပတ်မှုကိုလည်း ပုံမှန်ကောင်းမွန်စေနိုင်ပါတယ်။ 

၉။ ချောကလက်အမည်းရောင်

 ဓာတ်တိုးဆန့်ကျင်သတ္တိအပြည့်ရှိတဲ့ ချောကလက်အမည်းရောင်ဟာ ကဖင်းအပါအဝင် တက်ကြွလန်းဆန်းစေနိုင်တဲ့ အစွမ်းတွေ ရှိတာမို့ စိတ်ဖိစီးမှုကို လျော့ကျစေနိုင်သလို ဦးနှောက်ရဲ့ စွမ်းဆောင်ရည်တွေကိုလည်း တိုးတက်စေနိုင်ပါတယ်။ 

ကဲ… ဒီ super food တွေအကြောင်း သိပြီးပြီဆိုရင်တော့ သင့်ရဲ့ဦးနှောက်ကို ဒီထဲက သင်ကြိုက်နှစ်သက်ရာလေးတွေ ရွေးချယ်ပြီး အာဟာရဖြည့်လို့ရပြီနော်။

Credit: ပြည့်နိုင်

Dr. KSA