Collagen အကြောင်းသိကောင်းစရာ

Collagen ကို အများစုသိကြတာက ဝက်ခြံနဲ့ အသားအရေဖြူစင်ဝင်းပစေဖို့ ထိုးကြသောက်ကြတယ်ဆိုတာပါပဲ. .

Collagen ရဲ့ ကျန်းမာရေးအတွက်တခြားကောင်းတဲဲ့ အကျိုးကျေးဇူးလေးတွေပြောပြပေးမယ်နော်. . 

Collagen ဆိုတာ့ ခန္ဓာကိုယ်ထဲမှာ ရှိနေပြီးသား အသားဓါတ် Protein တစ်မျိုးပါပဲ…မျိုးကွဲတွေအနေနဲ့Type 1,2,3,4, 5 & 10 ဆိုပြီး (၅)မျိုးရှိပြီး အများဆုံး ကတော့ Type 1 ဖြစ်ပြီး 90% ရှိပါတယ်… 

Collagen ဟာခန္ဓာကိုယ်အတွက်တော့ငြမ်းတခုလိုပါပဲ

 ငြမ်းတွေရဲ့ သဘောတရားအတိုင်း တောင့်တင်းခိုင်မာအောင် ဒေါက်တိုင်တွေလို ထောက်ပံ့ပေးထားတာဖြစ်လို့ collagen ဟာအရေပြား၊ အရိုး၊ အဆစ်၊ အရွတ်၊ သွေးကြော၊ ကြွက်သား စတဲ့မေရာတော်တော်များများမှာ တွေ့ရတတ်ပါတယ်. . ်… ဆဲလ်တွေတစ်ခုနဲ့ တစ်ခု စီစီရီရီကပ်ပြီး တောင့်တင်းခိုင်မာနေအောင်လည််း် ထောက်ပံ့ပေးထားပါတယ်…

သဘာဝပတိုင်းရှိနေတဲ့collagen ကို ယနေ့ခေတ်ခါမှာ ဘာလို့များထိုးကြသောက်ကြပါသလဲ. . .  

-အသက်ကြီးလာတာနဲ့အမျှ Collagen ထုတ်လုပ်နိုင်စွမ်းဟာလည်းကျဆင်းလာပါတယ်… 

အသက်အရွယ်ရလာခြင်းကဲ့သို့ရှောင်လွဲမရတဲ့အကြောင်းတွေအပြင်ဆေးလိပ်ငွေ့ရှုရှိုက်တာတွေများမယ်၊ အချိုစားသုံးမှုများမယ်၊ နေရောင်ခြည်ထိတွေ့မှုများမယ်၊ နေ့စဉ်စားနေတဲ့ အစားအစာထဲမှာ Collagen ပါ၀င်တာတွေ ဖြည့်မစားဘူးဆိုရင်ရှိပြီးသား Collagen တွေဟာ ပျက်စီးပြီး အသစ်လည်းမထုတ်နိုင်ဖြစ်လာတတ်ပါတယ်. . 

-collagen လျော့နည်းလာခြင်းသတိထားမိနိုင်တာကတော့

အမြင်သာဆုံးနေရာက အရေပြားပါပဲ… အရေးအကြောင်းတွေများလာမယ်၊ လျော့ရဲလာမယ်၊ အဆစ်အမြစ်တွေနာကျင်ကိုက်ခဲလွယ်မယ်၊ ဆံပင်ကျွတ်မယ် ဆံပင်အရောင်မွဲခြောက်မယ်. ရှိရင်းစွဲအသက်ထက်အိုမင်းရင့်ရော်မှုတွေဖြစ်လာနိုင်ပပါတယ်

Collagen ဖြည့်စွက်သုံးခြင်းရဲ့အကျိုးကျေးဇူးများ

1. အရေပြားကျန်းမာရေးကောင်းလာမယ်… ၀က်ခြံထွက်တာတွေလျော့နည်းလာမယ်…အသားဖြူလာမယ်… အရေးအကြောင်းတွေလျော့လာမယ်… တင်းတိပ်နေလောင်ကွက်တွေလျော့ပါးလာမှာဖြစ်ပါတယ်… နောက်ပိုင်းသုတေသနတွေမှာတော့့ Collagen ဟာ နေရောင်ခြည်ရဲ့ UVA, UVB ၂ခုလုံးကနေ အရေပြားကို ကာကွယ်ပေးတဲ့အပြင် အရေပြား အစိုဓါတ်ထိန်းပေးပြီး တင်းတင်းရင်းရင်း နဲ့ ချောမွေ့စေတယ်ဆိုတာကိုပါ ဖော်ပြထားတာတွေ့ရပါတယ်

2. သုတေသနပြုလုပ်ချက်များအရ Collagen လျော့နည်းလို့ အရိုး အရွတ် တွေ ယောင်ယမ်းမှုတွေမှာလည်း Collagen ဖြည့်စွက်လိုက်တဲ့အခါမှာ အရိုးအဆစ်တွေအသစ်ဖြစ်ပေါ်ခြင်းကိုအားပေးတာကိုတွေ့ရပြီး နာကျင်ကိုက်ခဲတာတွေ သက်သာလာတာတွေ့ရတာဖြစ်တယ်… အရိုး အရွတ် အဆစ် အရိုးနုတွေ တည်ဆောက်ဖို့အတွက်အရေးပါပါတယ်

3. Osteoporosis လို့ခေါ်တဲ့ အရိုးပွတဲ့ရောဂါကိုသက်သာစေတယ် ကာကွယ်ပေးတယ်… အရိုးပွတာဟာ အသက်ကြီးလာရင် ယောကျင်္ားကော မိန်းမကောဖြစ်တတ်ပေမဲ့ သွေးဆုံးပြီးတဲ့ အမျိုးသမီးတွေမှာအများစုတွေ့ကြုံရလေ့ရှိပါတယ်.

4. အရေပြားအောက်မှာ အဆီပြင်ဖြစ်ပေါ်ခြင်းနဲ့ အမာရွတ်တွေဖြစ်ပေါ်ခြင်းကို ကာကွယ်တာဆီးပေးပါတယ်

5. ခန္ဓာကိုယ်ရဲ့ ဇီဝဖြစ်စဉ်များကို မြှင့်တင်ပေးလို့ ကိုယ်အလေးချိန်ကိုလည်းထိန်းပေးနိုင်ပါတယ်

6. အသည်းကျန်းမာရေးကိုအထောက်အကူဖြစ်စေတယ်… ခန္ဓာကိုယ်ရဲ့အညစ်အကြေးအဆိပ်အတောက်တွေကို အဓိကချေဖျက်ပေါ်ရတဲ့အသည်းကျန်းမာရေးဟာလည်းအရေးကြီးလှပါတယ်

7.  Collagen ဟာ အူလမ်းကြောင်းကိုလည်ကောင်းကျိုးပြုပါသေးတယ် အူလမ်းကြောင်းကနေ အဆိပ်အတောက်တွေယိုစိမ့်ဝင်ရောက်မှုမရှိအောင် ထောက်ပံ့ပေးပါတယ်. .

8. ဆံပင်သန်စွမ်းကျန်းမာဖို့ Keratin, Minerals နဲ့ Collagen ဟာ မရှိမဖြစ်ပါ… Keratin တည်ဆောက်ဖို့လိုအပ်တဲ့ အသားဓါတ်တွေဟာ Collagen မှာပါရှိပါတယ်… ဆံပင်ကျွတ် ဆံပင်ပါး ထိပ်ပြောင်ခြင်းကို ကာကွယ်တာဆီးပေးပါတယ်

9. လက်သည်း ခြေသည်းလေးတွေဟာ လည်း ဆံပင်လိုပဲ Keratin, Minerals နဲ့ Collagen ဟာ မရှိမဖြစ်ပါ… လက်သည်း ခြေသည်းမှာ အစင်းလေးတွေ အတွန့်လေးတွေ ဖြစ်နေပြီဆိုရင် Collagen လိုနေပြီဆိုတာပြတာပါပဲ

10. သွားနဲ့ သွားဖုံး ဖြူစင် ကြံ့ခိုင်စေဖို့ Collagen ဟာ အရေးပါပါတယ်… သွားလေးတွေ စီစီညီညီဖြစ်ဖို့ အပြင်ကနေပြုပြင်သလိုပဲ ခန္ဓာကိုယ်အတွင်းပိုင်း Collagen ဖြည့်စွက်သုံးမယ်ဆိုရင်လည်း အပြံုးအလှပိုင်ရှင်ဖြစ်စေမှာပါ

11. ဟော်မုန်းထုတ်လုပ်ခြင်းကိုလည်း ထိန်းညှိပေးတာဖြစ်ပါတယ်… သကြားဓါတ်ထိန်းပေးတဲ့ Insulin, အမျိုးသားဟော်မုန်း testosterone, DHEA, အမျိုးသမီးဟော်မုန်း esterogen, progesterone, ကြီးထွားဟော်မုန်း growth hormone နဲ့ cortisol တွေကို ထိန်းညှိပေးရာမှာလည်း ပါ၀င်ပါတယ်

12. Collagen မှာပါ၀င်တဲ့ Glycine ဟာ စိတ်ဖိစီးမှုကို လျော့နည်းစေပါတယ်

13. Collagen မှာပါ၀င်တဲ့ Glycine ကပဲ ညဘက်ဆို နှစ်နှစ်ခြိုက်ခြိုက်အိပ်ပျော်စေမှာပါ

14. နှလုံးသွေးကြော ကြွတ်ဆပ်မာကျောခြင်း နဲ့ ကျဉ်းလာပြီ ဆိုရင်တော့ Collagen ရယ် Vitamin C ရယ် Lycine နဲ့ Proline ရယ်တွဲပြီး သုံးခြင်းဟာ သွေးကြောနံရံမှာရှိတဲ့ Collagen တည်ဆောက်ခြင်းကို အားပေးပြီး Artherosclerosis လို့ခေါ်တဲ့ သွေးကြောကြွတ်ဆပ်တာကို သက်သာစေတယ်လို့ သုတေသန တစ်ခုက ဆိုပါတယ်

Collagen ကကြွယ်ဝနဲ့အစားအစာများ

1. အမဲသား - အမဲသားဟာ Typr 1 နဲ့ 3 collagen တွေပေါများစွာပါ၀င်တာဖြစ်ပါတယ်

2. ကြက်သား - ကြက်သားမှာတော့ Type 2 collagen တွေပါ၀င်ပြီး အရိုးနု နဲ့ အဆစ်အမြစ် တည်ဆောက်ဖို့အတွက် အသုံးဝင်ပါတယ်

3. ငါး - ငါးတွေကရတဲ့ collagen ဟာ စုပ်ယူမှုအားအကောင်းဆုံးဖြစ်ပါတယ်… Type 1 collagen အများဆုံးပါ၀င်ပါတယ်

4. ဥအခွံအမှေးပါး- ဥအခွံတွေမှာပါတဲ့ အမှေးပါး တွေမှာတော့ Type 3, 4, 

5 နဲ့ 10 တွေပါ၀င်တာဖြစ်ပြီး အနာကြက်မြန်ခြင်း၊ အရိုးအဆစ်နာကျင်သက်သာစေခြင်းနဲ့ connective tissue တည်ဆောက်ဖို့အထောက်အပံ့ဖြစ်စေပါတယ်။

Credit : Thet NO