ဒေါက်တာဂွစာ (၁၆)

ဒေါက်တာဂွထံ လူနာ အမျိုးသမီးတစ်ယောက် ရောက်လို့လာကာ
"ဆရာ... ကျွန်မ ညအိပ်တိုင်း ကုတင်အောက်မှာ တစ်ယောက်ယောက် ရှိနေတယ်လို့ချည်း စိတ်ထဲမှာ ထင်နေတယ်ရှင့်..."
"ဟုတ်ပြီ... ခင်ဗျား တစ်ပတ်ကို ၂ ကြိမ် ကျွန်တော့်ဆီလာခဲ့ပါ... ၃ လလောက်နဲ့ ခင်ဗျားရောဂါ ပျောက်အောင် ကျွန်တော်ကုပေးမယ်... ကုသခကတော့ တစ်ခါကိုမှ ၅၀၀၀ လောက်ပဲ ယူမှာပါ..."
"ဟုတ်ကဲ့... ကျွန်မ စဉ်းစားပါဦးမယ်ရှင့်..."

တစ်ပတ်ခန့်ကြာသော် ထိုလူနာကို တခြားတစ်နေရာတွင် ဒေါက်တာဂွ တွေ့သည်...
"ခင်ဗျား... ကျွန်တော့်ဆီ ဘာလို့မလာတော့တာလဲဗျ..."
"သြော်... ဆရာပါလား... ဆရာ တစ်ခါပြ ၅၀၀၀ နဲ့ ၃ လလောက် ကုရမယ့်ဟာကို ကျွန်မသူငယ်ချင်း တစ်ယောက် ကုပေးလိုက်လို့ ပျောက်သွားပြီရှင့်..."
"ဟေ... ဟုတ်လား... ပြောပါဦး သူက ဘယ်လိုကုပေးလိုက်လဲ??"
"ကုတင်ခြေထောက်တွေကို ဖြတ်လိုက်တယ်လေ... လက်သမားခ ၁၀၀၀ ပဲ ကုန်တယ်ရှင့်... သွားလိုက်ပါဦးမယ်နော်..."