လက်အရေပြားပေါ်ရှိ ကြမ်းရှမှုတွေကိုဖယ်ခွာထွက်သွားစေမယ့် အိမ်တွင်းကုထုံး...

လက်အရေပြား ခြောက်သွေ့ ကြမ်းတမ်းမှု ကွဲအက်မှုတွေကို ခံစားဖူးကြမှာပါ။ လက်ဆိုတာ က လူ့ခန္ဓာကိုယ်အစိတ်အပိုင်းတွေထဲမှာ အလုပ်များပြားစွာ လုပ်ရတဲ့အစိတ် အပိုင်းတစ်ခု ပဲဖြစ်ပါတယ်။ အလုပ်တော်တော်များများ အတွက် အသုံးပြုရတဲ့ အရာလည်း ဖြစ်ပါတယ်။ လူတော်တော်များများ ကတော့ လက်တွေကို ဂရုစိုက်တယ် ဆိုရင် လည်း အလွန်ကိုနည်းပါးတဲ့ အချိန်ပဲဖြစ်ပါတယ်။ ဒီလိုဂရုမစိုက်ခြင်းရဲ့ အကျိုးရလဒ်ကတော့ လက်အရေပြားတွေအို မင်းရင့်ရော်ပြီး ကြမ်းတမ်းခြောက်သွေ့ လာခြင်းပဲဖြစ်ပါတယ်။

လက်အရေပြားတွေ ကြမ်းတမ်းခြောက် သွေ့လာခြင်းဟာ စိတ်မချမ်းမြေ့စရာ ဖြစ်ရပ်မျိုးပဲ ဖြစ်ပါတယ်။ ဒီလိုကြမ်းတမ်းခြောက်သွေ့မှုကို သင့်တင့်လျှောက်ပတ်တဲ့ ကုသမှုမျိုး မပြုလုပ် ဘူးဆိုရင်တော့ အရေပြား ကွဲအက်လာမှုတွေနဲ့ အတူ ရောဂါပိုး ကူးစက်လာမှုတွေကို ခံစားရ လာနိုင်ပါတယ်။ ဒီလို ခြောက်သွေ့ကြမ်းတမ်းမှုတွေကို ကုစားဖို့အတွက် သင်စားသုံးနေတဲ့ အစားအစာတွေကို အသုံးပြုနိုင်တဲ့ အိမ်တွင်းဖြစ် ကုထုံးနည်း လမ်းလေး တွေရှိနေပါတယ်။ ဒီနည်းလမ်းတွေက အစိုဓာတ်ကို ဖြည့် စွမ်းပေးမှာ ဖြစ်တာကြောင့် ခြောက်သွေ့ ကြမ်းတမ်းမှုတွေကို အရေပြားပေါ်မှ goodybye လို့ နှုတ်ဆက်လမ်း ခွဲနိုင်မှာ ဖြစ်ပါတယ်။

လက်အရေပြားတွေ ခြောက်သွေ့ ကြမ်း တမ်းလာခြင်းဟာ အကြောင်းအမျိုးမျိုး ကြောင့် ဖြစ်တတ်ပါတယ်။ အေးလွန်းတဲ့လေ၊ နေရောင် ခြည်၊ ရေအေး၊ စိုထိုင်းစ ကျဆင်းမှု၊ ဓာတုပစ္စည်း လက်အလွန် အကျွံဆေးခြင်း၊ လက်ကိုဆပ်ပြာ ရေနှင့် အမြဲ လို ထိတွေ့စေခြင်း၊ ဆေးဝါးများနှင့် ဓာတ်မတည့်မှုဖြစ်ခြင်းစတာတွေကြောင့် ပဲဖြစ်ပါတယ်။

သင့်ရဲ့လက်အရေပြားဟာ ကြမ်းတမ်း၊ ခြောက်သွေ့ နေတယ်ဆိုရင်တော့ ချောမွေ့နူးညံ့ သွားအောင် အာဟာရဓာတ်တွေ ့ဖြည့်စွမ်းပေးဖို့ လိုပါတယ်။ သင့်တော်တဲ့ Product ပစ္စည်းနဲ့ မှန်ကန်တဲ့ Skin care ပြုလုပ်ပေးရပါမယ်။ ဒါ့ပြင်ရိုးရှင်းလွယ်ကူတဲ့ အိမ်တွင်းကုထုံးနည်း လမ်းတွေကလည်း သင့်ရဲ့လက်တွေကို နူးညံ့ ချောမွေ့ ပြီး နုပျိုလာစေမှာ ဖြစ်ပါတယ်။

အုန်းဆီကို အသုံးပြုပေးလို့ ရပါတယ်။ ဒါဟာ အင်မတန်မှ ရိုးရှင်းလွယ်ကူပြီး အကျိုး သက်ရောက်မှုရှိတဲ့ နည်းလမ်းတစ်ခုပဲ ဖြစ်ပါ တယ်။ အုန်းဆီကို အနည်း ငယ်နွေးအောင်လုပ် ပြီး လက်အရေပြားမှာ ပွတ်လိမ်းပါ။ ပြီးနောက် ၅ မိနစ်ခန့် ပွတ်သပ်နှိပ်နယ်ပေးပါ။ ဒါဟာ ညအိပ်ရာမဝင်မီမှာ ညစဉ်ပြုလုပ်ပေးရမှာ ဖြစ်ပါတယ်။ ဒီလိုလုပ် ပြီးတဲ့အခါမှာ ချည် သား လက်အိတ်လေးစွပ်ပြီး အိပ်မယ်ဆိုရင် တော့ အကောင်းဆုံးရလဒ်ကို ရရှိစေမှာ ဖြစ်ပါ တယ်။ ဒါ့ပြင်အုန်းဆီနေရာမှာ ထောပတ်သီး၊ Jojoba နဲ့ ဗာဒံဆီတို့ကို အသုံးပြုပြီး ပွတ်သပ်နှိပ်နယ် ပေးနိုင်ပါတယ်။

ပျားရည်ဟာ သဘာဝအစိုဓာတ်ကို ပေးစွမ်းနိုင်ပြီး အင်တီ အောက်အီးဒင့်ဓာတ်တွေ ပေါင်းစပ်ပါဝင်နေပါတယ်။ သင့်လက်အသား အရေရဲ့ အစိုဓာတ်ကို ဖြည့်စွမ်းထိန်း သိမ်းပေးနိုင်ပြီး နူးညံ့ချောမွေ့မှုကို ပိုမိုရရှိစေမှာ ဖြစ်ပါ တယ်။ လက်အရေပြားကို ပျားရည် အနည်းငယ် နှင့်နေ့စဉ် (၁ဝ)မိနစ်ခန့်နူးညံ့စွာ ပွတ်သုတ်ပေး ပါ။ ပြီးနောက် ရေနွေးနွေးလေးနှင့်ဆေးချ ပေးရပါမယ်။ ဒါ့အပြင် ပျားရည်နှင့် ဂရစ်စလင်း တို့ကို ဆတူရောပြီးလည်း အသုံးပြုပေးနိုင်ပါ သေးတယ်။

နောက်ထပ်နည်းလမ်းတစ်ခုကတော့ ပျားရည် ၂ ဇွန်းမှာ သံလွင်ဆီနဲ့ သံပရိုရည် တို့ကို ပေါင်းစပ်ပြီး လက်အရေပြားမှာ ပွတ်သပ် လိမ်းကျံပါ။ သေချာစွာ နှံ့စပ် သွားပြီ ဆိုရင်တော့ ရေနွေးနွေးလေးနဲ့ ဆေးချလိုက်ပါ။ ဒီအိမ်တွင်း ကုထုံးကိုတော့ တစ်ပတ်မှာ ၃ ကြိမ် (သို့မဟုတ်) ၄ ကြိမ်ပြုလုပ်ပေးနိုင်ပါတယ်။

ဒိန်ချဉ်မှာ Lactic acid ပါဝင်တာကြောင့် သဘာဝ cleanser လို့တောင်ခေါ်ဆိုနိုင်ပါ တယ်။ သူ့မှာ ကြေးချွတ်နိုင်တဲ့ အစွမ်းသတ္တိပါ ရှိတာကြောင့် အရေပြားပေါ်ရှိ ဆဲလ်သေများကို ဖယ်ရှားပေးနိုင်ပါတယ်။ သန့်ရှင်းလတ်ဆတ်တဲ့ ဒိန်ချဉ်စားပွဲတင်ဇွန်း ၁ ဇွန်းခန့်နဲ့ လက်အရေ ပြားကို ၅ မိနစ်ခန့်ပွတ်သပ်နှိပ်နယ်ပေး ပါ။ နှိပ်နယ်ပြီးနောက် ၁ဝ မိနစ်ခန့်ထားကာ ရေနွေးနွေး လေးနှင့် ဆေးချပါ။ ဒါဟာ လက်အရေပြားတွေ နူးညံ့ချောမွေ့ လာစေဖို့ တစ်နေ့တစ် ကြိမ်ပြုလုပ် ရမည့်နည်းလမ်းပဲ ဖြစ်ပါတယ်။

ကွေကာကြမ်းအနည်းငယ်၊ သံလွင်ဆီနဲ့ စတော်ဘယ်ရီသီးအရွယ်တော် ၃ လုံး (သို့) ၄ လုံးခန့်ကို ပေါင်းစပ်ပြီးတော့လည်း အသုံးပြု နိုင်ပါသေးတယ်။ ပြုလုပ်ရမယ့် ပုံစံကတော့ ကွေကာကြမ်း၊ အနည်းငယ်ကို ရေအနည်းငယ် နှင့် ဆန်ပြုတ်ကဲ့သို့ ပျစ်ခဲအောင်ကြိုချက်ပါ။ အရွယ်တော် စတော်ဘယ်ရီသီး ၃ လုံး (သို့) ၄ လုံးခန့်ကို ခြေမွပြီး ပေါင်းစပ်ပေးပါ။ ထိုထဲသို့ သံလွင်ဆီ ၃ ဇွန်းခန့်ရောစပ်ပါ။ အားလုံး ပေါင်း စပ်ပြီးသွားတဲ့အခါမှာတော့ ခြောက်သွေ့နေတဲ့ လက်အရေပြားကို သုတ်လိမ်းပြီး ညင်သာစွာနှိပ် နယ်ပေးပါ။ ပြီးရင်တော့ ရေနွေးနွေးလေးနဲ့ ဆေးကြောသန့်စင်ပြီး ခြောက်သွေ့တဲ့ တာဝါစ နဲ့ ပြန်သုတ်ပေးနိုင်ပါတယ်။

နူးညံ့ချောမွေ့တဲ့ လက်အရေပြားကို ရရှိ ပိုင်ဆိုင်နိုင်ဖို့အတွက် အလွယ်ကူဆုံးနည်းလမ်းတွေကို ရွေးချယ်ဖော်ပြပေးထားခြင်းပဲ ဖြစ်ပါ တယ်။ သင်နှစ်သက်ရာနည်းလမ်းကို ရွေးချယ် အသုံးပြုနိုင်ပါတယ်။ ပျိုမေများ နုပျိုစိုပြည်မှုကို ရရှိပိုင်ဆိုင်နိုင်ကြပါစေ။

Healthcare.com.mm

Ref:

အေမီချို