မိဘတွေအတွက် ဆရာဝန်တွေမျှဝေပေးထားတဲ့ ကလေးပြုစုစောင့်ရှောက်နည်းများ

၁-ကလေးအသက်၃နှစ်ပြည့်တဲ့အချိန်အထိ ကလေးနဲ့အိပ်ရာတစ်ခုတည်းအတူအိပ်ပါကလေးငယ်အတွက် စိတ်အချရဆုံးအိပ်စက်တဲ့နည်းလမ်းကတော့ သူ့ရဲ့ မိခင်နဲ့အတူ အိပ်စက်ခြင်းပဲဖြစ်ပါတယ်။ ကလေးအထူးကုဆရာဝန်တွေကလည်း ကလေးငယ်တွေကို သီးခြားအခန်းခွဲသိပ်တာက စိတ်ချလို့မရနိုင်ဘူးလို့ သတိထားမိကြပါတယ်။ စောင့်ကြည့်လေ့လာချက်တွေအရ ကလေးငယ်တစ်ယောက်ဟာ သီးခြားအခန်းခွဲအိပ်တဲ့အခါ စိတ်ဖိစီးမှုက ၃ဆပိုများတယ်လို့ဆိုထားပါတယ်။ အကောင်းဆုံးကတော့ ကလေးအသက်၃နှစ်ပြည့်တဲ့အချိန်အထိမိခင်နဲ့အတူအိပ်ခြင်းပါပဲ။

၂-ကလေးကို အစာများများစားဖို့ ဖိအားမပေးပါနဲ ့ကျန်းမာရေးနဲ့ညီညွတ်တဲ့အစားအစာတွေ စားပွဲပေါ်တင်ထားပါ။ ဒီအခြေအနေမှာဆိုရင် ကလေးက ကျန်းမာရေးနဲ့မညီညွတ်တာတွေစားမှာ ဒါမှမဟုတ် သူတို့စားတဲ့ပမာဏကို စိတ်မပူသင့်ပါဘူး။ တချို  ့မိဘတွေဟာ ကလေးကဗိုက်ဆာနေတယ်လို့ထင်ပြီး စားဖို့ဖိအားပေးတတ်ကြပါတယ်။ ကလေးကို အစာနဲ့ပတ်သက်လို့ဖိအားမပေးတာပိုကောင်းပါတယ်။ ကျန်းမာတဲ့အစားအစာတွေပဲ ထားပေးပြီး ကလေးကို ဘာစားမလဲဆိုတာ ဆုံးဖြတ်ခိုင်းပါ။

၃- သင့်ရဲ ့ပူတူတူးလေးက ဆီးအိုးကို မသုံးချင်ဘူးဆိုရင် အထိတ်တလန့်မဖြစ်ပါနဲ ့လတိုင်းသေးခံဝယ်ဖို့ပိုက်ဆံမဖြုန်းတီးတာကောင်းပါတယ်။ ဒါပေမယ့် ကလေးကို ဆီးအိုးတည်တာလေ့ကျင့်ပေးဖို့လိုပါတယ်။ ကလေးတစ်ယောက် ဆီးအိုးစသုံးသင့်တဲ့အရွယ် ဆိုပြီးသတ်မှတ်ထားတာတော့မရှိပါဘူး။ ဒါပေမယ့် အသင့်တော်ဆုံးအသက်အရွယ်ကတော့ အသက်၂နှစ်နဲ ့၄နှစ်ကြားဖြစ်ပါတယ်။

၄-သင့်ရဲ ့ပူတူတူးလေးကို ကိုယ်ပိုင်ဆုံးဖြတ်ချက်ချတာ သင်ကြားပေးနိုင်ဖို့ရွေးချယ်ခွင့်ပေးပါပူတူတူးအရွယ်မှာတောင် ကိုယ်ပိုင်လွတ်လပ်ခွင့်ဆိုတာကို သင်ကြားပေးဖို့လိုပါတယ်။ တင်းကြပ်တဲ့ စည်းကမ်းတွေချမှတ်တာက အကောင်းဆုံးနည်းလမ်းမဟုတ်ပါဘူး။ သူတို့မှာလည်းရွေးချယ်ခွင့် လိုအပ်ပါတယ်။ ဥပမာ-ညစာဘာစားချင်လဲ၊ အင်္ကျ ှီဘာအရောင်ဝတ်ချင်လဲဆိုတာတွေမေးကြည့်ပါ။

၅-ကလေးဆရာဝန်နဲ ့ချိန်းထားတဲ့အခါ သူတို့ကိုလည်းပါဝင်ဆွေးနွေးခိုင်းပါကျန်းမာရေးအသိပညာဟာ ကလေးကိုပြုစုပျိုးထောင်ရာမှာအရေးကြီးပါတယ်။ ကလေးတွေဟာ ဆရာဝန်တွေဆီ ဘယ်လိုသွားရမလဲ၊ သူတို့ရဲ့အချက်အလက်တွေကိုဆရာဝန်ကို ဘယ်လိုပေးရမလဲဆိုတာကိုသင်ယူသင့်ပါတယ်။  အသက်၆နှစ်အရွယ်ကလေးတွေဟာ ဆေးစစ်ချက်ယူတဲ့အခါ မေးခွန်းတချို့ကိုစတင်ဖြေနိုင်နေပါပြီ။ သူတို့ကို သီးသန့်ခွဲထားပြီး ဆရာဝန်ရဲ့မေးခွန်းတွေအကုန်လုံးကို ကိုယ်ကပဲဒိုင်ခံဖြေတာမျိုးမလုပ်ပါနဲ့။ သူတို့ကျန်းမာရေးအတွက် သူတို့ကိုယ်တိုင်မှာလည်းတာဝန်ရှိတယ်ဆိုတာကို နားလည်သင့်ပါတယ်။

၆-မွေးစကလေးတွေမှာ အစာစားတဲ့အလေ့အကျင့်အပြောင်းအလဲရှိမရှိကို သတိထားကြည့်ပါမိသားစုဆရာဝန်တွေက မွေးကာစကလေးတွေဟာ အစာကို ခဏခဏစားလေ့ရှိကြောင်း သတိပြုမိကြပါတယ်။ သင်ဟာ မွေးစကလေးကို အစာစားဖို့နှိုးရတယ် ဒါမှမဟုတ် သူတို့ပုံမှန်စားနေကျအစားအစာကို စားလို့မပြီးတာမျိုးဖြစ်တယ်ဆိုရင် သူတို ့နေမကောင်းတာဖြစ်နိုင်ပါတယ်။ ပြီးတော့ အစာစားတဲ့အခါချွေးတွေထွက်နေတာမျိုး၊ ငိုတဲ့ပုံစံပြောင်းတာမျိုး ဒါမှမဟုတ် ပုံမှန်ထက်ပိုပြီးအိပ်နေတာမျိုးတွေလည်း သတိထားကြည့်ပါ။

၇-တစ်နှစ်အောက်အရွယ်ကလေးက အငိုမရပ်ဘူးဆိုရင် ဒါတွေလုပ်ကြည့်ပါတခါတလေမှာ ကလေးက ဘယ်လိုပဲလုပ်လုပ် အငိုမရပ်ဘူးလို ့ခံစားမိပါလိမ့်မယ်။ ဒါဆိုရင် ဒီနည်းလမ်းတွေကို အသုံးပြုကြည့်ပါလို့ကျွမ်းကျင်သူတွေက ဆိုထားပါတယ်။ ကလေးတွေကို လှုပ်ကုလားထိုင်ထဲထည့်သိပ်တာ သို့မဟုတ် လက်မောင်းထဲထည့်ပွေ ့ထားတာ၊ ညင်သာတဲ့ တေးဂီတသံဖွင့်ထားပေးတာ၊ သူတို့ကိုလက်မောင်းနဲ့ပွေ့ချီတာ ဒါမှမဟုတ် တွန်းလှည်းထဲထည့်ပြီး လမ်းလျှောက်တာ၊ ကားပတ်မောင်းတာ၊ ပန်ကာနဲ့ပန်းကန်ဆေးစက်တို့လို white noiseသံလေးတွေ ဖွင့်ထားပေးတာတို့ဖြစ်ပါတယ်။

၈-အသက်အရွယ်အစောပိုင်းကစပြီး ကိုယ့်ကိုယ်ကိုယ်ယုံကြည်မှုရှိဖို့နဲ့ တန်ဖိုးထားတတ်မှုကို တည်ဆောက်ပေးပါကိုယ့်ကိုယ်ကိုယ်တန်ဖိုးထားတတ်တဲ့ကလေးတွေဟာ ပိုပျော်ရွှင်ကြတယ်လို့ ဆရာဝန်တချို ့ကမှတ်ချက်ပြုပါတယ်။ ဒီလိုကလေးတွေဟာ ရွယ်တူချင်းဖိအားပေးမှုကို ခံနိုင်ရည်ပိုများပါတယ်။ ကိုယ့်ကိုယ်ကိုယ်တန်ဖိုးထားတတ်ခြင်းဟာ ကလေးတွေကို ပိုကောင်းတဲ့ဆုံးဖြတ်ချက်တွေချနိုင်ဖို့အကူအညီပေးပါတယ်။ မိဘတွေဟာ ကလေးတွေရဲ ့အားထုတ်မှုနဲ့အောင်မြင်မှုတွေကို အသိအမှတ်ပြုချီးကျူးပေးသင့်ပါတယ်။ အသက်အရွယ်နဲ့လိုက်ဖက်တဲ့အလုပ်တွေတာဝန်ယူခိုင်းပြီး ကျေးဇူးတင်စကားပြောပေးတာတို့၊ သူတို့နဲ့အတူတူရှိပေးတာတို့ပေါ့။

၉-ကလေးက ဝုန်းဒိုင်းကြဲတဲ့အခါ  သတိမထားမိချင်ယောင်ဆောင်ပေးပါစတိုးဆိုင်မှာ ပူတူတူးလေးတွေစူးစူးဝါးဝါးအော်ဟစ်ငိုယိုတာမြင်နေကျထုံးစံလိုပါပဲ။ ဒါပေမယ့် ဒီလိုဆူပူသောင်းကျန်းတာကို ဘယ်လိုကိုင်တွယ်မလဲမေးစရာရှိပါတယ်။ ဆရာဝန်တစ်ယောက်ကတော့ ဒါကိုရပ်တန့်ဖို့အကောင်းဆုံးနည်းလမ်းက လစ်လျှူရှုထားခြင်းလို့ဆိုပါတယ်။ ကလေးက လုံခြုံစိတ်ချရတဲ့နေရာမှာရှိတယ်ဆိုရင် အဝေးတနေရာကိုကြည့်နေပါ။ ကလေးက သင့်အာရုံစိုက်မှုကို ရှာရင်း သူလိုချင်တာမရနိုင်တာကိုသိတဲ့အခါ အော်တာကိုရပ်လိုက်ပါလိမ့်မယ်။ ပထမဆုံးအကြိမ်တော့ ခက်ခဲကောင်းခက်ခဲပါလိမ့်မယ် ဒါပေမယ့် ကြိုးစားလို့ရနိုင်ပါတယ်။ စာအုပ်တွေ၊ ကလေးကြိုက်တဲ့ ကစားစရာတွေနဲ့လည်းအာရုံလွှဲလို ့ရနိုင်ပါတယ်။

Dr. Mon

Brightside