ဓမ္မတာလာစဉ်ကိုက်ခဲနာကျင်ခြင်းများကိုသက်သာစေမယ့် ၅မိနစ်စာယောဂ

  30-Oct-2016

---

 

ဒီလိုအချိန်ဆို အိပ်ယာထက်မှာခွေအိပ်ရင်း ရေနွေးအိတ်လေးကပ်ထားတာ ကျွန်မတို့ရဲ့ ပုံမှန်ကုထုံးတစ်ခုလိုဖြစ်နေပါတယ်။ ဒါပေမယ့် လေ့ကျင့်ခန်းလေးတွေပြုလုပ်ခြင်းကတော့ အိပ်ရာထက်မှာ နားတာမျိုးထက်စာရင် ဒီလိုနာကျင်ကိုက်ခဲ တာမျိုးတွေကို ပိုပြီး သက်သာစေပါတယ်။ယောဂလေ့ကျင့်ခန်းဟာ နာကျင်မှုတွေကို လျော့ကျစေရာမှာတော့ အင်မတန်ကောင်းပါတယ်။ အခုတင်ပြတဲ့ ၅ မိနစ်စာ လေ့ကျင့်ခန်း ၅ ခုကတော့ ကိုယ်ကာယကျန်းမာကြံ့ခိုင်ရေး မဂ္ဂဇင်းကနေ ကောက်နှုတ်ဖေါ်ပြလိုက်ပါတယ်။

 

၁။ ရှေ့ကိုကွေးခြင်း (၀းဝဝ-၁းဝဝ ကြာချိန် တစ်မိနစ်)

- ခြေထောက်နှစ်ချောင်းကို စုံရပ်ပြီး လက်နှစ်ဘက်ကိုဘေးမှာချထားပါ။

- ခြေကို မြဲမြဲရပ်၊ အသက်ကို ရှုသွင်းပြီး လက်နှစ်လက်ကို မျက်နှာကျက်လားရာဘက်ကို မြှောက်တင်ပါ။

- အသက်ကို ရှုထုတ်လိုက်ပြီး၊ တင်ပါးနေရာကနေ ခန္မာကိုယ်ကို ရှေ့ဘက်သို့ ကိုင်းချလိုက်ပါ။ လက်တွေကို ကြမ်းပြင်ဘက်မူပြီး ချထားပါ။ ကြမ်းပြင်ကို မထိနိုင်ရင် ဒူးကိုကွေးပြီး ထိဖို့ကြိုးစားကြည့်ပါ။ (ပုံ-၁)

- ဒီပုံစံအတိုင်း တစ်မိနစ်နေရပါမယ်။

 

၂။ လခြမ်းပုံစံထောက်ပ့ံမှု (၁းဝဝ-၂းဝဝ ကြာချိန် တစ်မိနစ်)

- နံရံကိုဘယ်ဘက်ခြမ်းနဲ့မှီပြီးတော့ ဘယ်ခြေကိုထောက်ရပ်ထားပါ။

- ဖြည်းဖြည်းချင်းရှေ့ကို ကွေးချရင်း ဘယ်ဘက်လက်ကိုကြမ်းမှာထောက် လိုက်ပါ။ တစ်ချိန်တည်းမှာပဲ ညာခြေထောက်ကို တင်ပါးနဲ့ တပြေးညီမတင်ပြီး ဆန့်ထုတ်လိုက်ပါ။

- တစ်ဖန်ညာဘက်လက်ကိုလည်း မျက်နှာကြတ်ဆီသို့ ဘယ်လက်နဲ့ တပြေးညီဆန့်တန်းရင်း ညာခြေကိုလည်း သက်သောင့်သက်သာ ဆန့်တန်းကာ အသက်ဝဝရှူနေပါ။

- ဒီတိုင်းစက္ကန့် ၃၀ နေပါ။ ပြီးရင် ဘက်ပြောင်းပြီး ညာဘက်ကိုလည်း ဒီအတိုင်းပြုလုပ်ပြီး စက္ကန့် ၃၀ နေပါ။

 

၃။ ခေါင်းမှဒူးဆီသို့ ပုံစံအနေအထား (၂ းဝဝ-၃းဝဝ ကြာချိန် တစ်မိနစ်)ခြေနှစ်ဖက်ကို စင်းပြီး ထိုင်လိုက်ပါ။

- ညာဒူးကို ဘယ်ဘက်ခြေထောက် ပေါင်ရင်းနားထိကွေးလိုက်ပါ။

- အသက်ကိုရှူသွင်းလိုက်ပြီး ခေါင်းကိုကျော်အောင်လက်ကိုဆန့်ထုတ်လိုက်ပါ။

- ထို့နောက် အသက်ကိုရှူထုတ်လိုက်ပြီး ဘယ်ခြေထောက်ပေါ် ကိုယ်ကိုကွေးချရင်း ပေါင်ပေါ်မှာနဖူးထိထားကာအနားယူပါ။

- စက္ကန့် ၃၀ လောက်ထားပြီးနောက်အသက်ကိုရှူသွင်းကာပြန်ထိုင်ပါ။ ပြီးရင်ဘက်ပြောင်းပြီး စက္ကန့် ၃၀ ပြုလုပ်ပေးပါ။

 

၄။ ရှေ့သို့ထောင့်ကျယ်ကွေးပုံစံ (၃းဝဝ - ၄းဝဝ ကြာချိန် တစ်မိနစ်)

- ကြမ်းပြင်ပေါ်မှာ ခါးမတ်မတ်ထား၊ ခြေထောက်နှစ်ဖက်ကို ကျယ်နိုင်သလောက်ကျယ်ကျယ်ဆန့်ရင်းထိုင်ပါ။

- အသက်ကို ရှူသွင်းပြီး လက်နှစ်ဖက်ကို ခေါင်းကျော်အောင်မြှောက်ထားပါ။

- အသက်ကိုရှူထုတ်ပြီး သင့်ရှေ့ကိုလက်နှစ်ဖက်ဆန့် ထုတ်ကာ ကြမ်းပြင်ထိအောင် ကွေးချလိုက်ပါ။

- တတ်နိုင်သလောက်ဒူးကို ဆန့်ဆန့်ထားပါ။

- နဖူးနဲ့ ကြမ်းထိနိုင်ရင်ထိထား၊ ဒါမှမဟုတ် ခေါင်းအုံးပေါ်ခေါင်းတင်ထားရတာကပိုအဆင်ပြေရင် ခေါင်းအုံးကို အသုံးပြုပြီး နဖူးအောက်ခုထားပါ။ ဒီအတိုင်း တစ်မိနစ်နေရပါမယ်။

 

၅။ လဲလျောင်းထောင့်ပုံစံ (၄းဝဝ - ၅းဝဝ ကြာချိန် တစ်မိနစ်)

- ကြမ်းပြင်ပေါ်မှာ အားကစားဖျာ ဒါမှမဟုတ် အခင်းတစ်ခု ခင်းထားပြီး ခါးနေရာမှာ စောင်ကို ပါးပါးလေးလိပ်ချ၊ ခေါင်းနေရာနားမှာ ခေါင်းအုံးခပ် ပါးပါးကို ချထားပါ။ ပြီးရင် နေရာကို မှန်းပြီး ထိုင်ပါ။

- ဒူးကိုကွေးလိုက်ပြီး ခြေဖဝါးချင်း ထိလိုက်ပါ။ ကျောကိုစောင်လိပ်ပေါ် ဖြည်းဖြည်းချင်း ကိုယ်ကိုလှန်ချ၊ ခေါင်းအုံးပေါ်ခေါင်း တင်ရင်းအနား ယူလိုက်ပါ။ ဖြည်းဖြည်းချင်းအသက်ရှူရင်းတစ်မိနစ် အနားယူပါ။

 

Healthcare.com.mm