အိပ်မပျော်ခြင်းအတွက် စိတ်ကြွမှုထိန်းချုပ်ရေးကုထုံး

အိပ်ရာထဲရောက်ခါမှ အိပ်မပျော်ဖြစ်တာဟာ စိတ်ဖိစီးမှုတွေနဲ့လည်း ဆက်နွယ်နေပါတယ်။ ဒါပေမယ့် စိတ်ဖိစီးမှုတွေနဲ့ ပတ်သက်လို့ ဖြေရှင်းလိုက်နိုင်ရင်တောင် ဆက်ပြီး အိပ်မပျော်ဖြစ်နေတတ် ပါတယ်။ ဒီလိုပုံစံမျိုးကို အပျော့စားမျက်စိကြောင်အိပ်မပျော်နိုင်ခြင်းလို့ ခေါ်ကြပါတယ်။ ဒီပုံစံကို လှည့်ပြောင်းပစ်နိုင်ဖို့အတွက် မိမိရဲ့ အိပ်ရာနဲ့ အိပ်ခန်းကို အပြုသဘောဆောင်တဲ့ပြင်ဆင်မှုတွေ လုပ်ဖို့လိုပါတယ်။

ဘယ်လိုပြင်ဆင်မလဲ

အဆင့် ၁

မိမိရဲ့အိပ်ခန်းကို အိပ်စက်ခြင်းနှင့် ကာမဆက်ဆံခြင်း အလုပ်မှတစ်ပါးတခြားကိစ္စတွေ
အတွက် အသုံးမပြုပါနဲ့။ (အစားအသောက်စားခြင်း၊ စီးကရက်သောက်ခြင်း၊ တီဗီကြည့်ခြင်း၊ စာဖတ်ခြင်း၊ ဆွေးနွေးငြင်းခုံခြင်း အစရှိတာတွေ မလုပ်ဖို့လိုပါတယ်။

အဆင့် ၂
မနက်တိုင်း အိပ်ရာထချိန်ကို သတ်သတ်မှတ်မှတ် လုပ်ထားပါ။ စနေ၊ တနင်္ဂနွေ နေ့တွေမှာတောင် ခြွင်းချက်မထားပါနဲ့။

အဆင့် ၃
 မအိပ်ချင်သေးဘဲနဲ့ အိပ်ရာမဝင်ပါနဲ့။

အဆင့် ၄
အိပ်ရာဝင်တဲ့အချိန်မှာ အိပ်ခန်းမီးပိတ်ပါ။ ၁၅ မိနစ်လောက် ကြာတဲ့အထိ အိပ်မပျော်သေးဘူးဆိုရင် ပြန်ထပြီးတစ်ခုခုလုပ်ပါ။  အိပ်ချင်လာမှ အိပ်ရာပြန်ထပါ။ ပြင်းပြင်းထန်ထန် အလုပ်မျိုးတွေ မလုပ်ပါနဲ့။ အပန်းပြေစေတဲ့ စာဖတ်ခြင်း၊ ဂီတသံနားထောင်ခြင်း အစရှိတဲ့ အလုပ်မျိုးတွေကိုသာလုပ်ပါ။

အဆင့် ၅
ချက်ချင်းအိပ်မပျော်နိုင်ဘူးဆိုရင် အဆင့် ၄ ကို ပြန်လုပ်ပါ။ အိပ်ပျော်သွားတဲ့အထိ ထပ်ကာထပ်ကာ လုပ်ပေးပါ။

အဆင့် ၆
ညဘက်မှာ ကောင်းကောင်းမအိပ်ရတောင်မှ နေ့ခင်းနေ့လယ်မှာ တစ်ရေးအိပ်တာ မလုပ်ပါနဲ့။

အဆင့် ရ
အဲဒီအဆင့်တွေကို ရက်သတ္တပတ်ပေါင်းများစွာ လေ့ကျင့်ပါ။ အိပ်ကောင်းတဲ့ပုံစံမဖြစ်မချင်း လေ့ကျင့်သွားပါ။

Credit:
အောင်အေး (ရန်ကုန်တက္ကသိုလ်)