ငါးကြီးဆီ၏ ကောင်းကျိုးများ

ငါးကြီးဆီဟာ အစားအသောက် စားချင်စိတ်ကို လှုံ့ဆော်ပေးတဲ့ Appetide ကို မြင့်မားစေပါတယ်။ အထူးသဖြင့် ငါးကြီးဆီဟာ အစာအိမ်ထဲ ရောက်တဲ့အခါ Red Corpuscles လို့ခေါ်တဲ့ သွေးနီဥတွေကို များလာစေပါတယ်။ အစားအသောက် စားချင်စိတ်ကို မြင့်မားစေပြီး ကိုယ်ခံအားကို တက်စေတယ်။ သွေးခုန်နှုန်းက သန်စွမ်းပြီး လူကလည်း ကျန်းမာသန်စွမ်းလို့ အာဟာရဓာတ်တွေ ပြည့်ဝစေမှာဖြစ်ပါတယ်။ 

အကယ်၍ ကိုယ်ဝန်ဆောင်သည်တွေနဲ့ နို့တိုက်မိခင်တွေဟာ နေ့စဉ်စားသောက်နေတဲ့ အာဟာရဓာတ်တွေထဲမှာ ငါးကြီးဆီဓာတ်ကို ဖြည့်ပေးလိုက်မယ်ဆိုရင် ကလေးငယ်တွေရဲ့ ဦးနှောက်နဲ့ မျက်ကြည်လွှာကို ပိုမိုဖွံ့ဖြိုးလာစေတဲ့အပြင် ဉာဏ်ရည်ပိုင်းကိုလည်း တိုး
တက်မြင့်မားစေပါတယ်။ 

ငါးကြီးဆီမှာ ပါဝင်တဲ့ ဗီတာမင် ဒီဟာ ကလေးငယ်တွေမှာ Ricket လို့ခေါ်တဲ့ ကလေးအရိုးပျော့ ရောဂါမဖြစ်အောင် ကာကွယ်တားဆီးနိုင်ပါတယ်။ လေ့လာစမ်းသပ်မှု တစ်ခုအရ ငါးကြီးဆီပေးထားတဲ့ ကလေး ၃၇ ယောက်ကို ခြောက်လလောက် ပေးကြည့်အခါ ကလေးအရိုးပျော့ ရောဂါ မဖြစ်အောင် ကာကွယ်နိုင်တဲ့နှုန်းက ၉၂ ရာခိုင်နှုန်း ရှိတာ တွေ့ရပါတယ်။ ရောဂါပိုးမွှားတွေကြောင့် ဖြစ်ပေါ်လာတဲ့ ရောင်ရမ်းခြင်းတွေကို ကာကွယ်ပေးနိုင်ပြီး အဆိပ်အတောက်တွေကို ခုခံပေးနိုင်ပါတယ်။

ကိုယ်ဝန်ဆောင်သည်တွေမှာ ငါးကြီးဆီ သောက်သုံးမယ်ဆိုရင် အသက်လေးနှစ်အရွယ်မှာ ကလေးတွေရဲ့ IQ လို့ခေါ်တဲ့ ဉာဏ်ရည်တိုးတက်လာတာ တွေ့ရပါတယ်။ ကလေးငယ်တွေကိုလည်း ပေါင်ချိန်တိုးတက်စေပါတယ်။ ဒါ့အပြင် လေ့လာစမ်းသပ်မှုတွေအရလည်း ကင်ဆာ၊ ဆီးချိုသွေးချို၊ အရိုးကျိုးခြင်း၊ အရိုးနှင့် ကြွက်သားနာခြင်း၊ သွေးတွင်းအဆီ စတာတွေကိုပါ ကောင်းမွန်စေတယ်ဆိုတာ တွေ့ရပါတယ်။

Cod Liver Oil နဲ့ Fish Oil ဘာကွာလဲ
 

ငါးကြီးဆီလို့ ခေါ်နေကြပေမယ့် တကယ်တော့ Cod Liver Oil က ပိုပြီး ဗီတာမင်အေ ပမာဏ ဗီတာမင်ဒီ ပိုများပြီး ကျန်းမာရေးကို ပိုပြီးအထောက်အကူပြုပါတယ်။

Credit:
သက်တန့်ချို
Health for all magazine, October 2015, Pg. 110