Leg swelling (ခြေထောက်ဖောခြင်း)

အကျဉ်းရှင်းလင်းချက်

ခြေထောက်ဖောခြင်းသည် ခန္ဓာကိုယ်အတွင်းရှိ အရည်များစုပုံခြင်း၊ ထိခိုက်ဒဏ်ရာရသော သို့မဟုတ် ရောဂါရှိသော ကြွက်သား ၊ အဆစ်အမြစ် တို့ရောင်းရမ်းခြင်းတို့ကြောင့် ဖြစ်သည်။

လက္ခဏာများ

ပြောင်တင်း၍ ဖောရောင်ခြင်း၊ ထုံခြင်း၊ အနာများဖြစ်ခြင်း၊ ယောင်ရမ်းခြင်း၊ ယားယံခြင်း၊ အသက်ရှုမဝခြင်း၊ ခြေထောက်နာခြင်း စသည့်လက္ခဏာများရှိသည်။ 

ဖြစ်ပွားရသော အကြောင်းရင်းများ

အများဆုံးဖြစ်ပွားသောအကြောင်းအရင်းမှာ ထိခိုက်ဒဏ်ရာရခြင်း၊ အချိန်ကြာကြီးမတ်တပ်ရပ်ခြင်း၊ ထိုင်ခြင်း တိုကြောင့်အဖြစ်များသည်။  တစ်ခါတစ်ရံ စိုးရိမ်ဖွယ်ကောင်းသောရောဂါများ (နှလုံးရောဂါ ၊ အဆုတ်ရာဂါ ၊ ကျောက်ကပ်ရောဂါ) များ၏ လက္ခဏာများဖြစ်နိုင်သည်။

ခန္ဓာကိုယ်အတွင်းရှိ အရည်များစုပုံခြင်း

- ရုတ်တရပ် ကျောက်ကပ်ပျတ်ခြင်း

- နှလုံးကြွက်သားရောဂါ

- နာတာရှည်ကျောက်ကပ်ရောဂါ

- အသည်းခြောက်ရောဂါ

- ပြန်ရည်ကြောပိတ်ခြင်း

- အကိုက်အခဲသောက်ဆေးများ

- ကိုယ်ဝန်ဆောင်ချိန်

- ကျောက်ကပ်ရောင်ရောဂါ

- သွေးပြန်ကြောအတွင်း သွေးခဲခြင်း

- နှလုံးလုပ်ငန်းဆောင်တာများပျက်စီးခြင်း

ရောင်းရမ်းခြင်း

- ခြေဖနောင့်နောက်ကြောရှိ Achilles အရွတ် ဒဏ်ရာရခြင်း

- ခြေထောက်ကျိုးခြင်း

- ဂေါက်အဆစ်ရောင်ရောဂါ

- အဆစ်အမြစ်နာရောဂါ

- သွေးလေးဖက်နာရောဂါ

- ခြေကျင်းဝတ်လည်ခြင်း

- အရေပြားပိုးဝင်ခြင်း

ဖြစ်နိုင်ချေများသူများ

အသက်ကြီးသောသူများ၊ ကိုယ်ဝန်ဆောင်မိခင်များ၊ အဝလွန်သောသူများ ပိုအဖြစ်များသည်။

နောက်ဆက်တွဲ ပြဿနာများ

ခြေထောက်ဖောရောင်ခြင်းကို မကုသဘဲထားလျှင် 

- ပို၍ဖောရောင်ကာနာလာခြင်း 

- လမ်းလျှောက်ရခက်ခဲခြင်း

- ခြေထောက်တောင့်တင်းခြင်း

- ရောင်နေသောခြေထောက်တွင် ပိုးဝင်ခြင်း

- သွေးလည်ပတ်မှုကျဆင်းခြင်း

- အရေပြားအနာများပိုမိုဖြစ်ပွားနိုင်ခြင်း တို့ဖြစ်နိုင်သည်။

ဆရာဝန်နှင့် သွားရောက်ပြသသင့်သော အချက်များ

အကြောင်းအရင်း တစ်စုံတစ်ရာမှမရှိဘဲ ခြေထောက်ဖောခြင်း ၊ အသက်ရှုကျပ်ခြင်း ၊ ရင်ဘက်အောင့်ခြင်း ၊ အခြားသော နှလုံးနှင့် အဆုတ်ဆိုင်ရာပြသနာများရှိလျှင် ချက်ချင်း ဆရာဝန်နှင့် သွားရောက်ပြသသင့်ပါသည်။

စစ်ဆေးမှုများ

ဖောရောင်ခြင်း၏ အကြောင်းအရင်းကို သိရှိနိုင်ရန် 

-ဓာတ်မှန်ရိုက်ခြင်း

- တယ်လီဗေးရှင်းဓာတ်မှန်ရိုက်ခြင်း

- သွေးစစ်ခြင်း

- ဆီးစစ်ခြင်း စသည့်စစ်ဆေးမှုများပြုလုပ်နိုင်ပါသည်။

ကုသခြင်း

ဖြစ်ပွားရသည့်အကြောင်းအရင်းပေါ်မှုတည်၍ ကုသမှုများကွဲပြားပါသည်။

ကာကွယ်ခြင်း

- လှဲအိပ်သောအခါ ဖောနေသောခြေထောက်ကို   ခေါင်းအုံးပေါ်တင်ထားနိုင်ပါသည်။

- လှုပ်လှုပ်ရှားရှား နေခြင်း၊ ခြေထောက်လေ့ကျင့်ခန်းလုပ်ခြင်း

- ဖောနေသောနေရာကို သန့်သန့်ရှင်းရှင်းထားခြင်းဖြင့်   ပိုးမဝင်အောင်ကာကွယ်နိုင်သည်။

- အငန်ဓာတ် စားသုံးမှုများကို လျော့ချခြင်း

- ဖောနေသောခြေထောက်ကို Stocking (အသားကပ်ဘောင်းဘီ)   စည်းထားခြင်း။

Ref: mayo clinc 

Translated by Dr Myo Myint

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။