အသားအရေအတွက် စိတ်ဖိစီးမှုကို ဘာကြောင့်နေ့စဉ်လျှော့ချသင့်သလဲ

စိတ်ဖိစီးမှုဖြစ်လာရင် ခန္ဓာကိုယ်ထဲမှာ ကော်တီစောဟော်မုန်းထွက်လာပြီး အရေပြားမှာ အောက်ပါ အခြေအနေတွေ ဖြစ်လာတတ်ပါတယ်။

- အရေးအကြောင်းထင်ခြင်း
စိတ်ဖိစီးမှုဆိုင်ရာ ကော်တီစေဟော်မုန်းကြောင့် သွေးတွင်းသကြားဓာတ် မြင့်တက်လာကာ အရေပြားရှိ ကော်လာဂျင်ကို လျော့ကျစေကာ အရေးကြောင်းထင်စေပါတယ်။

- ဝက်ခြံပေါက်ခြင်း
ကော်တီစေဟော်မုန်းမြင့်တက်တာကြောင့် ဝက်ခြံတွေထွက်လာတတ်ပါတယ်။ 

- အသားအရေခြောက်သွေ့ခြင်း
လေ့လာမှုအရ ကော်တီစေဟော်မုန်းတွေ အရေပြားကို ကာကွယ်ပေးထားတဲ့ အရာတွေကို ထိခိုက်စေပြီး အသားအရေခြောက်သွေ့တာ၊ စပ်ဖျဉ်းဖျဉ်းဖြစ်တာနှင့် ရောင်ရမ်းတာတွေကို ဖြစ်စေနိုင်တယ်လို့ သိရပါတယ်။ 

ခန္ဓာကိုယ်ထဲမှာ ကော်တီစေဟော်မုန်းတွေ ထွက်ရှိမှု လျော့ကျပြီး အသားအရေ နုပျိုးလှပစေဖို့ အောက်ပါနည်းလမ်းတွေကို လုပ်ဆောင်ပေးသင့်ပါတယ်။ 

- အိပ်စက်အနားယူပါ။ 
တစ်ညကို အနည်းဆုံး ခုနှစ်နာရီခန့် အိပ်ချိန်ထားရှိပေးပါ။

- ကဖင်းဓာတ်ကိုရှောင်ပါ
ကော်ဖီကြိုက်သူဆိုရင်တောင် တစ်နေ့မှာ ကော်ဖီ ၂-၃ ခွက်ထက် ပိုမသောက်ပါနဲ့။

- အာဟာရပြည့်ဝစွာ စားပါ
သကြားနည်းတဲ့ အစားအသောက်တွေ စားပါ။ ဆားပါဝင်မှုများတဲ့ အစာတွေကလည်း အရေပြားကို ဖောင်းအစ်စေနိုင်ပါတယ်။ ဒါကြောင့် သကြားနှင့်ဆားကို တတ်နိုင်သမျှ လျှော့စားသင့်ပါတယ်။ 

- အိုမီဂါ ၃ ဖက်တီးအက်စစ် မှီဝဲပါ
အိုမီဂါ ၃ မှာ ရောင်ရမ်းမှု လျော့ကျစေတဲ့ အာနိသင်ရှိတာကြောင့် အသားအရေစိုပြေစေပါတယ်။ အိုမီဂါ ၃ ဖက်တီအက်စစ်ကို ငါးအဆီ၊ အခွံမာစေ့ စတာတွေမှာ တွေ့ရပါတယ်။ 

- အနားယူပါ။
စိတ်ရောကိုယ်ပါ အနားပေးတာက အသားအရေကို ကျန်းမာလှပစေပါတယ်။ 

Healthcare.com.mm

Ref: Arogyam Magazine

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။