အသက်လေးဆယ်ကျော် အမျိုးသမီးတွေ စတိုင်ကျစေဖို့

အသက်အရွယ်ကြီးလာလေလေ စတိုင်ကျဖို့အတွက် အခွင့်အရေးနည်းသွားလေလို့တွေး နေသူတွေအတွက် ငယ်ရွယ်နုပျိုပြီး အမိုက်စားပုံလေးဖြစ်အောင် ပြင်ဆင်လို့ရတယ်ဆိုတာ သိထားရအောင် အကြံပြုချင်ပါတယ်။

ရောင်စုံလည်ဆွဲများအသုံးပြုခြင်း - အသက်အရွယ်ရလာရင် အသားအရေ မွဲခြောက်လာတတ်တာကြောင့် မျက်နှာတစ်ဝိုက် အရောင်ဟပ်ပြီး လင်းထင်းနေစေဖို့ လည်ဆွဲလေးတွေနဲ့ စတိုင်ထုတ်နိုင်ပါတယ်။

သက်တူရွယ်တူအနုပညာရှင်ကို တုပခြင်း

ကိုယ်နဲ့သက်တူရွယ်တူ၊ ခန္ဓာကိုယ်အရွယ်အစားတူ၊ အသားရောင်တူပြီး ကိုယ်သဘောကျတဲ့ အနုပညာရှင်ရဲ့စတိုင်တွေကို မဂ္ဂဇင်းတွေ၊ ဝက်ဘ်ဆိုက်တွေမှာ ကြည့်ရင်း အတုယူဝတ်ဆင်တာ မျိုးလည်းလုပ်နိုင်ပါတယ်။

ခေတ်ရေစီးကြောင်းအတိုင်းလိုက်ခြင်း

ဗီရိုထဲမှာ ခေတ်ပေါ် အဝတ်အစားတစ်စုံ၊ နှစ်စုံလောက်ရှိနေရင်ကိုပဲ ကိုယ်က ဒိတ်အောက်နေတဲ့ စာရင်းထဲမပါနိုင်တော့ပါဘူး။ အဝတ်အစားအတွက် အချိန်မပေးနိုင်ဘူးဆိုပေမယ့် ရှော့ပင်း ထွက်ရင်းကိုယ့်အသက်တန်းအတွက် ဘာဒီဇိုင်းတွေခေတ်စားနေ
လဲဆိုတာ လေ့လာထားဖို့ လိုပါတယ်။

ခြေထောက်အလှပေါ်သည့် အဝတ်အစားရွေးခြင်း

အသက် (၂၀) အရွယ် ပြန်မရနိုင်တော့ဘူးဆိုတာနဲ့ အင်္ကျီပွပွ ရှည်ရှည်ကြီးတွေပဲဝတ်ရမှာမဟုတ်ပါဘူး။ ခြေထောက်အလှ ပေါ်လွင်စေမယ့် ဒူးအထက် ၁ လက်မ၊ ၂ လက်မ စကတ်အတိုပုံစံမျိုးလည်း ဝတ်သင့်သလို အကျပ်ပုံစံလေးနဲ့လည်း အလန်းဇယားဖြစ်အောင်လုပ်နိုင်ပါသေးတယ်။

အရည်အသွေးမြင့် အထည်များ ရွေးချယ်ခြင်း

ခပ်ပေါပေါပိတ်စတွေသုံးထားတဲ့ အဝတ်အစားထက် ပိုးသားလိုပိတ်သားပျော့ပျော့ ချောချောပုံစံမျိုးတွေ၊ ပိတ်သား အကောင်းစားတွေ ဝတ်တာဟာချပ်ချပ်ရပ်ရပ်နဲ့ လှပစေပါတယ်။ နောက်ပြီးလက်ပြတ်ခါးတို အင်္ကျီပုံစံမျိုးလေးတွေ၊ ပိတ်ပါးသားသုံးထားတဲ့ အင်္ကျီမျိုးလေးတွေနဲ့ဆိုရင် အမြင်လေးဆန်းပြီး လှပနေစေမှာပါ။

Credit : Original Writer

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။