ဆီးလမ်းကြောင်းပိုးဝင်ခြင်း

ဆီးလမ်းကြောင်းပိုးဝင်ခြင်းဆိုသည်မှာ ဆီးနှင့်ကျောက်ကပ်ဆိုင်ရာ စနစ်များဖြစ်သော (ကျောက်ကပ်၊ ဆီးလမ်းကြောင်းနှင့် ဆီးအိမ်တို့တွင် ပိုးဝင်ခြင်းဖြစ်သည်။ အများအားဖြင့် ဆီးအိမ်နှင့် ဆီးလမ်းကြောင်းတို့တွင် ပိုးဝင်ခြင်းမှာ အဖြစ်များသည်။ အမျိုးသမီးများသည် အမျိုးသားများထက် ပို၍အဖြစ်များသည်။

ဆီးလမ်းကြောင်းပိုးဝင်သည့်လက္ခဏာများ

• ဆီးသွားချင်စိတ်အမြဲဖြစ်နေခြင်း၊ ဆီးခဏခဏသွားနေခြင်း

• ဆီးသွားရာတွင်ပူခြင်း၊

• ဆီးအရောင်နောက်ခြင်း၊ ဆီးအရောင်ရင့်ခြင်း၊ နီခြင်း၊

• အမျိုးသမီးများတွင် တင်ပဆုံနာခြင်း တို့ဖြစ်တတ်ပါသည်။

အမျိုးအစားပေါ်မူတည်၍ လက္ခဏာများကွဲပြားနိုင်ပါသည်။

ကျောက်ကပ်ရောင်ခြင်း 

- ခါးကျောနာခြင်း၊ ဘေးဘက်နာခြင်

 - အပူကြီးခြင်း၊ (အဖျားကြီးခြင်း) ချမ်းတုန်ခြင်းများ)

 - ပျို့ခြင်း၊ အန်ခြင်း

ဆီးအိမ်ရောင်ခြင်း

- တင်ပဆုံနာခြင်း၊

 - ဗိုက်အောက်ပိုင်း မအီမသာဖြစ်ခြင်း

 - ဆီးခဏခဏသွားခြင်း

 - ဆီးသွားရာတွင် သွေးပါခြင်း

ဆီးလမ်းကြောင်းရောင်ခြင်း

 - ဆီးပူခြင်း၊ ဆီးတစ်စက်စက်ကျခြင်း၊ ပြည်ကျခြင်း

ဆီးအိမ်ပိုးဝင်ခြင်း

  - E-coli လို့ခေါ်တဲ့ Baoteria ကြောင့် အဖြစ်များပါတယ်။ အခြားသော Baoteria

များကြောင့်လည်း ဖြစ်နိုင်ပါသည်။

 - လိင်ဆက်ဆံခြင်းဖြင့် ဆီးအိမ်ပိုးဝင်ခြင်းကို ဖြစ်စေပါသည်။ အမျိုးသမီးများတွင်အဖြစ်များသည် (ခန္ဓာကိုယ်ဖွဲ့စည်းတည်ဆောက်ပုံ) အရ ဆီးလမ်းကြောင်းနှင့်စအိုနှင့် နီးသောကြောင့်ဖြစ်သည်။

ဆီးလမ်းကြောင်းပိုးဝင်ခြင်း

ဆီးလမ်းကြောင်းသည် မိန်းမကိုယ်နှင့် နီးသောကြောင့် လိင်ဆက်ဆံရာမှတစ်ဆင့် ကူးသောရောဂါများကြောင့် ဖြစ်နိုင်သည်။

ဆီးလမ်းကြောင်းပိုးဝင်စေရန် အားပေးသောအကြောင်းအရာများ

• အမျိုးသမီးများ (ခန္ဓာကိုယ်ဖွဲ့စည်းပုံအရ)

• လိင်ဆက်ဆံသည့် အကြိမ်ရေနှင့် ဆက်ဆံဖက်များသူများ

• သွေးဆုံးပြီးသော အမျိုးသမီးများ

• ဆီးလမ်းကြောင်း မူမမှန်ခြင်းများ

• ဆီးကြောင်းတွင် ပိတ်နေခြင်း (ကျောက်တည်နေခြင်း)

• ခုခံအားကျနေသူများ

• ဆီးဗိုက်သုံးနေသူများ

နောက်ဆက်တွဲဆိုးကျိုးများ

• ခဏခဏဆီးလမ်းကြောင်းပိုးဝင်ခြင်း

• ကျောက်ကပ်ကိုထိခိုက်စေခြင်း

• ဆီးလမ်းကြောင်းကျဉ်းသွားစေခြင်း

• သွေးဆိပ်ပျံ့နှံ့ခြင်းနှင့်

• အသက်အန္တရာယ်သေဆုံးနိုင်ခြင်း

• ကိုယ်ဝန်ဆောင်မိခင်များတွင် ပေါင်မပြည့်၊ နေ့မစေ့သော ကလေးများမွေးနိုင်ခြင်း

Credit: That Naing

သင်သိလိုသမျှ ကျန်းမာရေးမေးခွန်းများနဲ့ ပတ်သက်ပြီး Healthcare.com.mm ရဲ့ hotline နံပါတ် 7887 သို့ MPT, ATOM မိုဘိုင်းလ်ဖုန်းများဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနဲ့ တိုက်ရိုက်ဆွေးနွေးတိုင်ပင်နိုင်ပါပြီရှင်။