ဆံပင်ကျွတ်ခြင်းကို ပြန်ကောင်းစေခြင်း သို့မဟုတ် ကာကွယ်ခြင်းအတွက်ဆောင်ရွ...

Minoxidil သည် ဆံပင်ပေါက်ခြင်းကို ဖြစ်စေနိုင်ကြောင်း သိကြသည်မှာ ၃၅ နှစ်ကျော်ကြာပြီး ဖြစ်သော်လည်း ၄င်း၏ hair follicle များအပေါ်တွင် သက်ရောက်မှုဖြစ်စေ အသေးစိတ်ကို သေသေ ချာချာ နားမလည်ကြသေးပါ။ Minoxidil သည် ဆံပင်များကို ကြီးထွားမှုအဆင့်တွင် ကြာကြာနေစေပြီး hair follicle များ၏ အရွယ်ကို ကြီးစေပါသည်။ လက်တွေ့စမ်းသပ်ကုသမှုများအရ အမျိုးသား၊ အမျိုး သမီး ဆံပင်ကျွတ်ခြင်းအားလုံးတွင် Minoxidil သည် ဆံပင်ပြန်ပေါက်စေကြောင်း တွေ့ရှိရပါသည်။ ဆံပင်ပြန်ပေါက်ခြင်းသည် ဆေးစလိမ်းပြီး ၆ ပတ်မှ ၈ ပတ်တွင် စတင်သိသာပြီး ၁၂ ပတ်မှ ၁၆ ပတ်တွင် အများဆုံးဖြစ်သည်ဟု ဆိုပါသည်။ သို့ရာတွင် Minoxidil လိမ်းဆေးကို အသက်အရွယ် ကြောင့်ဖြစ်သော ဆံပင်ကျွတ်ခြင်းများတွင် တိကျသောစမ်းသပ်မှုများမပြုလုပ်ရသေးပါ။

ယခုအချိန်အထိ လေ့လာတွေ့ရှိမှုများအရ အသက်အရွယ်သည် ကျား/မ မရွေး Minoxidil ဖြင့် ကုသများ အောင်မြင်မှုကို ခန့်မှန်းရာတွင် အရေးပါသောအချက်ဖြစ်ကြောင်း တွေ့ရှိရပါသည်။ အသက်အရွယ်မရွေး တိုးတတ်မှုများကို တွေ့ရသော်လည်း အသက်ငယ်ရွယ်သော ကုသမှု ခံယူသူများတွင် ပို၍ထိရောက်အောင်မြင် အောင်မြင်ပါသည်။ အမျိုးသားများတွင် ထိပ်ပြောင်ခြင်း ဖြစ်ပွားနေမှုကြာချိန်သည် ကုသမှု ထိရောက်မှုအပေါ် သက်ရောက်မှုရှိပါသည်။

ထိပ်ပြောင်ခြင်း သက်တမ်း ၅ နှစ်အောက် နည်းသောသူများတွင် သက်တမ်း၂၁ နှစ်ကျော်သောသူများထက် ကုသမှု ထိရောက်မှုသည် သိသိသာသာပိုသည်ကို တွေ့ရပါသည်။ အမျိုးသမီးများတွင်မှု ဤသို့သော ထိပ်ပြောင်ခြင်းသက်တမ်းနှင့် ကုသမှုထိရောက်ခြင်း ဆက်စပ်မှုကို မတွေ့ရပါ။ ငယ်ထိပ်ရှိ ဆံပင်မရှိသောအကွက်၏ အချင်းသည်လည်း Minoxidil ဖြင့် ကုသမှုများ၏ ထိရောက်မှုကို ပြောင်းလဲစေနိုင်ပါသည်။ အမျိုးသားများတွင် အချင်း ၅ စင်တီမီတာအောက် အကွက်ရှိသူများသည် အချင် ၁၅ စင်တီမီတာထက်ကျော်သော အကွက်ရှိသူများထက် ကုသရပို၍ လွယ်ကူသည်ကို တွေ့ရပါသည်။

ဆံပင်ကျွတ်ခြင်းဖြစ်ပွားမှုသက်တမ်း ၁ နှစ်အောက်ရှိသူများတွင် ဆံပင်ကျွတ်ခြင်း ရပ်တန့်ပြီး ဆံပင်အသစ်များ ပြန်ပေါက်အောင် ကုသရခြင်းသည် ဆံပင်ကျွတ်ခြင်း ဖြစ်ပွားမှုသက်တမ်း ၁၀ နှစ်ကျော်နေသူများကို ကုသခြင်းထက် ထိရောက်မှုများစွာပေါ်ကြောင်း တွေ့ရှိရပါသည်။ Finasteride ဆေးသောက်သုံးခြင်းသည် အမျိုးသားများတွင် ဆံပင်ကျွတ်ခြင်းကို တားဆီးကာကွယ်နိုင်ပြီး ကုသရာတွင်လည်း အသုံးပြုနိုင်ပါသည်။

အမျိုးသမီးများတွင် ဆံပင်ကျွတ်ခြင်း ဖြစ်ပွားသောအခါ Minoxidil လိမ်းဆေးလိမ်းခြင်း၊ antrandrogen ဆေးများဖြစ်သော cyproterone acetate, spironolactone စသော ဆေးများကို သောက်စေခြင်းတို့ဖြင့် ကုသလေ့ရှိပါသည်။ Finasteride ဆေးသည် အမျိုးသားများ ဆံပင်ကျွတ်ခြင်းအတွက် ထိရောက်သော ကုသမှုအဖြစ် အငြင်းပွားစရာ မရှိသော်လည်း အမျိုးသမီးများတွင် ဖြစ်ပွားသော ဆံပင်ကျွတ်ခြင်းများအတွက်မှု ထိရောက်မှုရှိကြောင်း အားလုံးက လက်မခံကြသေးပါ။ ၄င်း၏ထိရောက်မှုသည် အမျိုးသမီးများတွင် ဖြစ်ပွားသော ဆံပင်ကျွတ်ခြင်း ပုံစံအားလုံးတွင် မဟုတ်သဖြင့် အမျိုးသမီးများတွင် ဖြစ်ပွားတတ်သော ဆံပင်ကျွတ်ခြင်းများတွင် မတူညီသောဖြစ်စေသော အခြေခံအကြောင်းအရင်းများ ရှိနိုင်သည်ဟု ယူဆကြပါသည်။ သွေးမဆုံးမီနှင့် သွေးဆုံးပြီးနောက် ဖြစ်ပွားသော ဆံပင်ကျွတ်ခြင်းများ၊ သွေးအတွင်း androgen များနေသော ဆံပင်ကျွတ်ခြင်းနှင့် သွေးအတွင်း androgen များခြင်း ရှိမနေသော ဆံပင်ကျွတ်ခြင်း စသည်တို့ဖြစ်ပါသည်။ Finasteride ဆေးသည် သန္ဓေသားကို ထိခိုက်စေနိုင်သဖြင့် သွေးမဆုံးသေးသော အမျိုးသမီးများတွင် အသုံးပြုခြင်းကို တားမြစ်ထားပါသည်။

Ref:

ဒေါက်တာခိုင်ခိုင်ဇော်

အရေပြားရောဂါများအကြောင်း တစေ့တစောင်း