ကိုယ်အရေပြား ရုတ်တရက် ယားယံခြင်းနှင့် အဖုအပိန့်ထွက်ခြင်း

ကိုယ်အရေပြား ရုတ်တရက် ယားယံခြင်းနှင့် အဖုအပိန့်ထွက်ခြင်း ဖြစ်ရသည့် အကြောင်းအရင်းများမှာ မတည့်သော ထိုးဆေးများ ထိုးမိခြင်း၊ လိမ်းဆေး၊ သောက်ဆေး၊ ဆံပင်ဆိုးဆေး၊ ပန်းဝတ်မှုန်၊ ဖုန် ဓာတုဗေဒအငွေ့ စသည်တို့ကြောင့် ဖြစ်သည်။

လက္ခဏာများ
တွေ့ရမည့် လက္ခဏာများမှာ ရုတ်ချည်းယားယံလာခြင်း၊ အဖုအပိန့်ပေါက်ခြင်း၊ မျက်လုံးများနီရဲ၍ မျက်ရည်ယိုထွက်ခြင်း၊ နှာယိုယိုခြင်း၊ နှာချေခြင်း အသက်ရှူကြပ်ခြင်း ၊ ချောင်းဆိုးခြင်း၊ အော့အန်ခြင်းနှင့် ဝမ်းသွားခြင်း၊ ဗိုက်နာခြင်း၊ ဗိုက်အောင့်ခြင်းတို့ဖြစ်သည်။

ပြုစုခြင်း
၁။ လူနာကို အားပေးစကားပြောပါ။ ယခင်ဖြစ်ခဲ့ဖူးခြင်း ရှိ၊ မရှိမေးမြန်းပါ။
၂။ လူနာကို ယခင်သောက်နေကျ ဆေးဝါးများသောက်ရန် အကူအညီပေးရမည်။
၃။ ဆရာဝန်ထံရောက်သည့်အခါ ရောဂါလက္ခဏာကို ပီပြင်စွာလေ့လာနိုင်ရန် မလိုအပ်သော ဆေးဝါးများလိမ်းခြင်း မပြုလုပ်ပါရန်။
၄။ ဆေးရုံသို့ပို့ပါ။

Healthcare.com.mm သင့်ကျန်းမာရေး စောင့်ရှောက်ပေး
Credit:
အခြေခံရှေးဦးပြုစုခြင်း လက်စွဲစာအုပ်မှ ကောက်နုတ်ထားပါသည်။