နှုတ်ခမ်းကွဲ အာခေါင်ကွဲ ကလေးငယ်များကို ကိုရီးယားအထူးကုဆရာဝန်များက အခမဲ...

နှုတ်ခမ်းကွဲ အာခေါင်ကွဲကလေးငယ် ၁၁ ဦးကို ကိုရီးယားနိုင်ငံရဲ့ အထူးကုဆရာဝန်ကြီးတွေက လှိုင်သာယာမြို့နယ် ပြည်သူ့ဆေးရုံမှာ အခမဲ့ ခွဲစိတ်ကုသပေးခဲ့ပါတယ်။

ဒီခွဲစိတ်ကုသမှုကို နိုဝင်ဘာ ၂၀ ရက်နဲ့ ၂၁ ရက်နေ့ နှစ်ရက်ကြာ ပြုလုပ်ခဲ့တာဖြစ်ပြီး ကိုရီးယားနိုင်ငံက Globle Image Care အဖွဲ့က တာဝန်ယူခဲ့တာ ဖြစ်ပါတယ်။

ခွဲစိတ်ကုသဖို့အတွက် အသက်  ၁ နှစ်ကနေ ၁၉ နှစ်ထိ ကလေးငယ် ကျား ၁၁ ဦး၊ မ ၄ ဦး အားလုံးပေါင်း ၁၅ ဦး စာရင်းပေးသွင်းခဲ့ပေမယ့် ကလေးငယ် ၄ ဦးကတော့ ခွဲစိတ်ကုသမှုအတွက် အဆင်သင့်မဖြစ်သေးတာကြောင့် သာမာန်ဆေးကုသမှုပေးပြီး ပြန်လွှတ်ခဲ့ရတယ်လို့ လှိုင်သာယာမြို့နယ် ဆေးရုံအုပ်ကြီး ဒေါက်တာဆန်းလွင်ဦးက ဆိုပါတယ်။

ကိုရီးယားနိုင်ငံက မေ့ဆေးဆရာဝန်ကြီး ၁ ဦး၊ ပလက်စတစ်ဆာဂျီဆရာဝန် ၃ ဦးတို့က ခွဲစိတ်ကုသပေးခဲ့တာ ဖြစ်ပါတယ်။

Credit : DVB