အလေးထားသင့်သည့် ကလေးသွား

  24-Feb-2017

---

ကလေး သွားများသည် ခြောက်လမှ စတင်ပေါက်ကာ အသက်နှစ်နှစ် အရွယ်တွင် အားလုံးစုံ၍ အချောင်း နှစ်ဆယ် ရှိပါသည်။ အသက် ခြောက်နှစ်ခွဲတွင် ကလေးသွားများ စတင်ကျိုးပြီး လူကြီးသွားများနှင့် စတင် လဲပါသည်။ အသက် ၁၀ နှစ်မှ ၁၃ နှစ်အတွင်း ကလေးသွားများ အကုန်ကျိုး၍ လူကြီးသွားများနှင့် အစားထိုးပါသည်။

 

ကလေးသွားများကို ဂရုမစိုက်ဘဲ ထားထားပါက -

 

၁။ ကလေးများ သွားတိုက်သည့် ဝေဒနာကို ခံစားရခြင်း။

၂။ သွားကိုက်ခြင်း ဝေဒနာကြောင့် မစားနိုင်သည့် အတွက် အာဟာရ ချို့တဲ့ခြင်း။

၃။ သွားကိုက်ခြင်း ဝေဒနာကြောင့် ကျောင်းမတက်နိုင်သည့်အတွက် ပညာရေးကို ထိခိုက်ခြင်း။

၄။ သွား မကောင်းသည့်အတွက် အခြားပိုးများ ပါးစပ်အတွင်း၌ ပိုမို များပြားလာပြီး အခြားရောဂါများ ဖြစ်နိုင်ခြင်း။ ဥပမာ - လေးဖက်နာ (Rheumatic Fever) ရောဂါ။

၅။ သွားများ စောစီးစွာ နုတ်လိုက်သည့်အတွက် မျက်နှာ အလှပျက်ခြင်း။

၆။ ငယ်သွားများ အချိန်မတိုင်မီ နုတ်လိုက်ရသည့် အတွက် ကြီးသွားများ ပေါက်သည့်အခါ သွားမညီညာမှုများ ဖြစ်ခြင်း။

၇။ သွားမလှသည့်အတွက် စိတ်ဓာတ် သိမ်ငယ်ခြင်း (ဥပမာ- မိန်းကလေးများ) ခံစားရနိုင်ပါသည်။

 

Healthcare.com.mm သင့်ကျန်းမာရေး စောင့်ရှောက်ပေး
Credit:
ဒေါက်တာတင်လတ်
Health for all magazine, February 2016, No.109, Pg.57