အအေးမိ/နှာပိတ် သက်သာစေမယ့် သဘာဝ ပေါင်းတင်နည်း

အအေးမိ/နှာပိတ် သက်သာစေမယ့် သဘာဝ ပေါင်းတင်နည်း

=====

ရာသီဥတုအကူးအပြောင်းမှာ ဖြစ်တတ်တဲ့ အအေးမိခြင်း၊ နှာစို့/နှာပိတ်ခြင်းနှင့် ထိပ့်ခေါင်းအမှေးရောင် (Sinus) ဝေဒနာတွေကို အိမ်မှာတင် လွယ်လွယ်ကူကူ သက်သာစေမယ့် သဘာဝ ပေါင်းတင်နည်း ဖြစ်ပါတယ်။

လိုအပ်သော ပစ္စည်းများ

• ရေနွေးပူ: ဇလုံ ခပ်နက်နက် တစ်လုံးစာ (ဆူပွက်ပြီး ၁-၂ မိနစ်ခန့် ခေတ္တအေးအောင် ထားထားသော ရေနွေး)

• ပါဝင်ပစ္စည်း: ယူကလစ်ဆီ (Eucalyptus Oil) ၂-၃ စက် သို့မဟုတ် ဆားခါး (Epsom Salt) စတီးဇွန်း ၁ ဇွန်း

• တဘက်: ခေါင်းတစ်ခုလုံးကို လွှမ်းခြုံနိုင်လောက်သည့် တဘက်ကြီး အသန့်တစ်ထည်

ပြုလုပ်ဆောင်ရွက်ပုံ အဆင့်ဆင့်

ရေနွေးပြင်ဆင်ခြင်း: ဇလုံအနက်ထဲသို့ ရေနွေးပူများကို ထည့်ပါ။ (အပူလောင်ဒဏ်မှ ကာကွယ်ရန် စားပွဲပေါ်တွင် အခိုင်အမာ တင်ထားပါ)။

ဆေးထည့်ခြင်း: ယူကလစ်ဆီ ၂ စက် သို့မဟုတ် ဆားခါး စတီးဇွန်း ၁ ဇွန်းကို ရေနွေးထဲသို့ ထည့်ပြီး မွှေပေးပါ။

နေရာယူခြင်း: စားပွဲတွင် သက်တောင့်သက်သာ ထိုင်ပြီး ဇလုံနှင့် မျက်နှာကို ၁၂ လက်မမှ ၁၅ လက်မခန့် (တစ်တောင်ခန့်) အကွာအဝေးမှာ ထားပါ။

တဘက်ခြုံခြင်း: အခိုးအငွေ့များ အပြင်မထွက်စေရန် တဘက်ကို ခေါင်းမှအုပ်၍ ဇလုံအပြင်ဘက်အထိ အုပ်လိုက်ပါ။

ရှူထုတ်/ရှူသွင်းပြုလုပ်ခြင်း: မျက်လုံးကို မှိတ်ထားပြီး နှာခေါင်းမှတစ်ဆင့် အခိုးအငွေ့များကို ဖြည်းဖြည်းနှင့် မှန်မှန် အသက်ပြင်းပြင်း ရှူသွင်းပါ။

ကြာချိန်: တစ်ကြိမ်လျှင် ၅ မိနစ်မှ ၁၀ မိနစ် အထိ ပြုလုပ်နိုင်ပြီး တစ်နေ့လျှင် ၂ ကြိမ်မှ ကြိမ်ဖန်များစွာ ပြုလုပ်ပေးနိုင်ပါတယ်။

အရေးကြီးသော သတိပြုရန်အချက်များ

• အပူလောင်မှု သတိပြုရန်: ရေနွေးဇလုံကို မျက်နှာနှင့် အလွန်အမင်း နီးကပ်စွာ မထားပါနှင့်။ Steam ကြောင့် အသားအရေနှင့် အသက်ရှူလမ်းကြောင်း အပူလောင်နိုင်သည်။

• ကလေးငယ်များအတွက် မသုံးရ: ကလေးငယ်များသည် ငြိမ်ငြိမ်မနေဘဲ ရေနွေးမှောက်ကျနိုင်ခြေ များသည့်အပြင် ယူကလစ်ဆီသည် အသက် ၆ နှစ်အောက် ကလေးများ၏ အသက်ရှူလမ်းကြောင်းကို ကျဉ်းစေနိုင်သဖြင့် ကလေးငယ်များတွင် ပေါင်းတင်ခြင်းကို မပြုလုပ်သင့်ပါ။

• မျက်လုံးမှိတ်ထားပါ: ယူကလစ်ဆီမှ အခိုးအငွေ့များသည် မျက်လုံးကို စပ်ဖျင်းဖျင်း ဖြစ်စေနိုင်သောကြောင့် ပေါင်းတင်နေစဉ် မျက်လုံးကို သေချာမှိတ်ထားပါ။

• ပန်းနာရင်ကျပ် (Asthma) ရှိသူများ: ယူကလစ်ဆီ၏ ပြင်းထန်သော အနံ့သည် ရင်ကြပ်ခြင်းကို ပိုမိုဆိုးရွားစေနိုင်သဖြင့် ရင်ကျပ်ရောဂါအခံရှိသူများ အသုံးမပြုသင့်ပါ။

Dr. Hazel